ನಗುಸು

ಮಕ್ಕಳ ಸಾಮ್ರಾಜ್ಯ-೧

2012-02-09T14:21:00.001+03:00

ಉಫ್.........(ಅನಘ)

ಏಯ್..!! ಇಲ್ನೋಡು ನಾನು ಫೋಟೋ ತೆಗ್ದಿದ್ದೀನಿ.... ಚೆನ್ನಾಗಿದೆ ಅಲ್ವಾ...

(ಗುಬ್ಬಿ ಧೃತಿ, ತುಂಟ ಧೃವ, ರೋಷಿಣಿ)

-------------------------

ನಾನೇ..!! ಊಟ ಮಾಡ್ತೀನಿ ಗೊತ್ತ...!!

(ಮುದ್ದುಮರಿ ಅನನ್ಯ)

------------------

ನಾನೇ ಹಾಕ್ದೆ ಇವಳಿಗೆ ಶೂ....

(ಅನಘ, ಧೃತಿ)

----------------

ಕುಡಿ ಮಿಂಚು ನೋಟದ ಸಂಮೃತದ ಕೂಸು (ಮುದ್ದು ಅನನ್ಯ)

----------------------------------

ಇದು ಯಾರು ಅಂದುಕೊಂಡ್ರಾ ಇದು ದೃಷ್ಟಿ ಬೊಟ್ಟು ಯಾರ ಕಣ್ಣು ಬೀಳದಿರಲಿ ಈ ಕೂಸುಗಳಿಗೆ

ಫೋಟೋ ಕ್ಲಿಕ್ಕಿಸಿದ್ದು: ಸುಗುಣ ಮಹೇಶ್

ಮಕ್ಕಳ ರಾಜ್ಯ

2011-12-29T10:32:00.001+03:00

ಕ್ಯಾಮರಾ ಕಣ್ಣಿಗೆ ಸೆರೆ ಸಿಕ್ಕ ಬಾಲ ಲೀಲೆಗಳು...

ಸೂರ್ಯ

ಊಲಲ್ಲಾ.. ಫೋಟೋ... (ಅಣ್ಣನ ಮಗ)

---------------

ಸೂರ್ಯನ ಜೊತೆ ಸಂದೀಪ್

ಏಏಏಏಏಏಏಏ ಅಲ್ಲ್ನೋಡು..

(ಅಣ್ಣಂದಿರ ಮಕ್ಕಳು)

----------

ಸೂರ್ಯನ ಜೊತೆ ಶಿವು

ಹೇ.. ಸರಿಯಾಗಿ ನಿಂತ್ಕೊಳ್ಳೋ..ಫೋಟೋ ತೆಗಿತಾರೆ..!!!

(ಅಣ್ಣನ ಮಕ್ಕಳು)

----------------

ಅಹಹ್ಹ...

----------

ಹುಫ್...

---------

ನನ್ನ ಈ ಸ್ಟೈಲ್ ನಲ್ಲಿ ಒಂದು ಫೋಟೋ ಪ್ಲೀಸ್..

---------------

ಚಿತ್ರಗಳು @ಮನಸು

ಕ್ಯಾಮರಾ ಕಣ್ಣೊಳಗೆ

2011-12-19T10:33:00.001+03:00

ಕರಿ ಹಸು ಬಿಳಿ ಕರು - ಬಣ್ಣ ಬೇರೆ ಪ್ರೀತಿ ಒಂದೇ

@ಚಿತ್ರ ಮನುವಚನ್

ಎಲ್ಲಿಹುದೋ ಮನೆ ಹುಡುಕ ಹೊರಟಿಹೆ...

@ಚಿತ್ರ ಮನಸು

ಶೇಖರಿಸಿಟ್ಟಿರುವೆ ಆಹಾರ ನನ್ನ ಕೂಸಿಗೆ ಉಣಬಡಿಸಲು

@ಚಿತ್ರ ಮನಸು

ಸುತ್ತ ಮುತ್ತ ನೋಡುವೆ ಯಾರಾದರು ಇರುವರೇನೋ

@ಚಿತ್ರ ಮನುವಚನ್

ಕಲ್ಲು ಬಂಡೆಯಾದರೇನೋ ನೆಡೆದಾಡ ಬಲ್ಲೆ ನಾನು

@ಚಿತ್ರ ಮನುವಚನ್

ಪ್ರಭಾತ್ ಕಲಾವಿದರು

2009-11-15T11:45:00.003+03:00

ಹೆಸರೆ ಹೇಳುವಂತೆ ಬೆಳಗುವ ಕಲಾವಿದರೇ ಸರಿ....... ಕನ್ನಡ ಕಲೆಯನ್ನು ನಾಡಿನಾದ್ಯಂತ ಪಸರಿಸುತ್ತಿರುವ ಕಲಾವೃಂದಕ್ಕೆ ನಮ್ಮನಮನಗಳು ಇತ್ತೀಚೆಗಷ್ಟೆ ಕುವೈಟಿಗೆ ಆಗಮಿಸಿದ್ದ ಕಲಾವಿದರ ಬಗ್ಗೆ ನನಗೆ ಹೆಚ್ಚು ತಿಳಿದುಕೊಳ್ಳಬೇಕೆಂದು ಬಯಸಿ ಅಂತರ್ಜಾಲಕ್ಕೆ ಮೊರೆಹೋದೆ ಅಲ್ಲಿ ನಿಜಕ್ಕೊ ಅತಿ ಹೆಚ್ಚು ಮಾಹಿತಿಯೇ ದೊರೆಯಿತು.

೧೯೩೦ರಲ್ಲಿ ಪ್ರಾರಂಭಗೊಂಡ ಒಂದು ಕಲಾವೃಂದ ಹಲವು ನಾಟಕ, ನೃತ್ಯರೂಪಕಗಳಿಗೆ ಹೆಸರುವಾಸಿಯಾಗಿದ್ದರು. ಈ ಕಲಾವೃಂದವನ್ನು ಗೋಪಿನಾಥ್,ಕರಿಗಿರಿ,ಜೈಸಿಂಹ,ದ್ವಾರಕನಾಥ್ ಎಂಬ ಕಲಾತಪಸ್ವಿಗಳು ತಮ್ಮ ಕಲಾವೃಂದಕ್ಕೆ ಗುರುರಾಜ ವಾದ್ಯವೃಂದ ಮತ್ತು ನಾಟಕ ಮಂಡಳಿ ಎಂಬ ಹೆಸರನ್ನಿಟ್ಟರು. ಇವರು ನಾಟಕ ನೃತ್ಯ, ಹಾಡುಗಳು ಹಾಗೂ ಹರಿಕಥಾ ವಿಶೇಷತೆಗಳಲ್ಲೂ ಹೆಚ್ಚು ಒಲವಿತ್ತರು.ಮೊದಲು ತುಮಕೂರಿನಲ್ಲಿ ನೆಲೆಗೊಂಡಿದ್ದ ಕಲಾವಿದರು ಹೆಚ್ಚು ಪ್ರೇಕ್ಷಕರನ್ನು ಮನಸೆಳೆಯಲು ಬೆಂಗಳೂರಿಗೆ ಬಂದು ನೆಲೆಸಿದರು ಈ ತಂಡದ ಮೇಲ್ವಿಚಾರಕರಾಗಿ ಗೋಪಿನಾಥ್ ರವರು ತಮ್ಮ ತಂಡವನ್ನು ಮುನ್ನಡೆಸಿದರು. ೧೯೪೨ರಲ್ಲಿ ಪ್ರಭಾತ್ ಕಲಾವಿದರೆಂಬ ಹೆಸರಿಂದ ಮರುನಾಮಕರಣ ಮಾಡಿದರು. ಮೊಟ್ಟ ಮೊದಲು ಭಾರತೀಯ ಸಾಂಸ್ಕೃತಿಕ ನೃತ್ಯವನ್ನು ತಮ್ಮ ನಾಟಕಗಳಲ್ಲಿ ಅಳವಡಿಸಿದ ಹೆಗ್ಗಳಿಕೆಯೊ ಈ ಕಲಾವಿದರ ಪಾಲಾಗುತ್ತದೆ.

ಚಲನಚಿತ್ರ ಅಭಿನೇತ್ರಿಗಳಾದ ಸಿ.ಆರ್.ಸಿಂಹ, ಶ್ರೀನಾಥ್, ಮಂಜುಳ, ಲೋಕೇಶ್ ತಮ್ಮ ಕಲಾ ಜೀವನವನ್ನು ಪ್ರಾರಂಭಿಸಿದ್ದು ಇದೇ ಕಲಾವಿದರ ತಂಡದಿಂದ, ಇವರೆಲ್ಲ ಚಿತ್ರರಂಗದ ಹಾದಿಯಲ್ಲಿ ಬಹಳಷ್ಟು ಹೆಸರು ಮಾಡಿದ್ದಾರೆ. ಪ್ರಭಾತ್ ಕಲಾವಿದರು ತಮ್ಮ ನಾಟಕಗಳಲ್ಲಿ ಸುಮಾರು ೨೦ ನಾಟಕಗಳನ್ನು ಸಾದರಪಡಿಸಿದ್ದಾರೆ ಅವುಗಳಲ್ಲಿ ಕೆಲವು ಮೋಹಿನಿ ಬ್ರಹ್ಮಾಸುರ, ಕರ್ನಾಟಕ ವೈಭವ, ಕಿಂದರಿಜೋಗಿ,ರಾಮ ಪ್ರತಿಕ್ಷಾ,ಪುಣ್ಯಕೋಟಿ, ಧರ್ಮಭೊಮಿ, ದಶಾವತಾರ ಮುಂತಾದವುಗಳು. ಇಂತಹ ನೃತ್ಯರೂಪಕ ನಾಟಕ ಪ್ರಸ್ತುತ ಪಡಿಸುವುದು ಅತಿ ಸುಲಭದ ಮಾತಲ್ಲ ಅದಕ್ಕೆ ತಕ್ಕಂತ ವೇದಿಕೆ, ದೀಪಾಲಂಕಾರಗಳ ಪ್ರಭಾವ, ಹಿನ್ನೆಲೆ ಧ್ವನಿಗೆ ತಮ್ಮ ಮಾತು ಹೊಂದಾಣಿಕೆ, ಇವೆಲ್ಲವೂ ಬಲು ಕಷ್ಟದ ಕೆಲಸ ಅದಕ್ಕೆ ತಕ್ಕಂತ ಕಲಾವಿದರು ತಮ್ಮ ಶ್ರದ್ಧೆ ಒಲವೂ ಎಲ್ಲವನ್ನು ವಹಿಸಬೇಕಾಗುತ್ತದೆ. ಇಂತಹ ನೃತ್ಯರೂಪಕಗಳಿಗೆ ಸಾಹಿತ್ಯ,ಸಂಗೀತ ಜೋಡಣೆಗೆಂದೆ ಸಂಗೀತಸಾಹಿತ್ಯ ನಿರ್ಮಾಣಶಾಲೆಯನ್ನು ಪ್ರಭಾತ್ ಕಲಾವಿದರು ಹೊಂದಿದ್ದಾರೆ.ಇದೇ ಕಲಾವಿದರ ಅತಿ ಪ್ರಸಿದ್ಧ ನಾಟಕ ಸಿಂಡ್ರೆಲಾ ಈ ನಾಟಕವು ಸುಮಾರು ೧,೦೦೦ ಕ್ಕೊ ಹೆಚ್ಚು ಪ್ರದರ್ಶನಗೊಂಡಿರುವುದು ಅವರ ಕಲಾ ಪ್ರಬುದ್ಧತೆಯನ್ನು ಹಿಡಿದು ತೋರಿಸುತ್ತದೆ.

ಬರಿ ನಾಟಕ ನೃತ್ಯ ಇಷ್ಟಕ್ಕೆ ಮೀಸಲಿಡದೆ ತಮ್ಮ ವೃತ್ತಿಯನ್ನು ಉಡುಗೆ ತೊಡಿಗೆಗಳ ಬಾಡಿಗೆ ನೀಡುವಿಕೆ, ಸಂಗೀತ ಸಾಮಾಗ್ರಿಗಳು, ವೇದಿಕೆಗೆ ಬಳಸುವ ಸಾಮಗ್ರಿಗಳನ್ನು ಬಾಡಿಗೆಗೆ ನೀಡುತ್ತಲಿದ್ದಾರೆ, ನೃತ್ಯ ತರಬೇತಿಯನ್ನು ಸಹಾ ಹಲವು ಮಕ್ಕಳಿಗೆ ನೀಡುತ್ತಲಿದ್ದಾರೆ.

ಮತ್ತೊಂದು ವಿಶೇಷತೆ ಈ ಕಲಾಕುಟುಂಬದಲ್ಲಿದೆ ಅದೇನಂದರೆ ಅಮೇರಿಕಾ ಅಮೇರಿಕಾ ಖ್ಯಾತಿಯ ತಾರೆ ಹೇಮ ಪಂಚಮುಖಿ, ಹಾಗು ಚಲನಚಿತ್ರ ಹಾಗೂ ಕಿರುತೆರೆಯಲ್ಲಿ ಹೆಸರು ಮಾಡಿರುವ ಹರೀಶ್ ರವರು ಈ ಸಂಸ್ಥೆ ಸ್ಥಾಪಕರೊಬ್ಬರಾದ ಗೋಪಿನಾಥ್ ಅವರ ಮೊಮ್ಮಕ್ಕಳು ಇವರ ಸಾಧನೆಯೂ ಸಹ ಶ್ಲಾಂಘನೀಯ ಹೇಮರವರು ಹಲವು ಮಕ್ಕಳಿಗೆ ನೃತ್ಯ ತರಬೇತಿದಾರರಾಗಿ ಇಂದಿಗೂ ಕಾರ್ಯನಿರ್ವಹಿಸುತ್ತಲಿದ್ದಾರೆ ಮತ್ತು ಹರೀಶ್ ಹಾಗೂ ಅವರ ಪತ್ನಿ ಕಿರುತೆರೆ ಅತಿ ಮುಗ್ಥ, ಸೌಮ್ಯ ಸ್ವರೂಪಿ ದೀಪಶ್ರೀ ದಂಪತಿಗಳಿಬ್ಬರು ಈ ಪ್ರಭಾತ್ ಕಲಾವಿದರ ಬಳಗಕ್ಕೆ ಹೆಮ್ಮೆಯ ಗರಿಗಳಾಗಿದ್ದಾರೆ.

ತಮ್ಮ ಕುಟುಂಬವನ್ನೇ ಕಲಾವಂತಿಕೆಯಲ್ಲಿ ಮುಳುಗಿಸಿಕೊಂಡ ಈ ಮನೋಘ್ನ ಅಭಿನೇತ್ರಿಗಳೂಂದಿಗೆ ನಾವುಗಳು ಕಳೆದ ಸಮಯ ನಮ್ಮ ಜೀವನದ ಅತಿ ಸಂತಸದ ಸಮಯ ಹಾಗೂ ಅವರ ತರಬೇತಿ ಮೇರೆಗೆ ನಾವು ಕಲಿತ ಕಿಂದರಜೋಗಿ ನಾಟಕದ ಪುಟ್ಟ ಪಾತ್ರ ನಮಗೆ ಖುಷಿಕೊಟ್ಟಿದೆ. ಇನ್ನು ಉತ್ತಮವಾಗಿ ಮಾಡಬೇಕಿತ್ತೆಂಬ ಅಭಿಲಾಷೆಯು ಇದೆ.
ಒಂದು ವಾರ ದೀಪಶ್ರೀ ಹಾಗೂ ಹರೀಶ್ ಅವರೊಂದಿಗೆ ಕಳೆದ ದಿನಗಳು ನಿಜಕ್ಕೊ ಸಂತಸ ತರಿಸಿದೆ. ನಿಮ್ಮಿಬ್ಬರ ಶ್ರಮದಿಂದ ನಮ್ಮೆಲ್ಲರ ಪಾತ್ರಕ್ಕೆ ಕಳೆತರಿಸಿದೆಂದೇಳಿದರೆ ತಪ್ಪಾಗಲಾರದು.

ಹರೀಶ್ ಅವರು ನೀಡಿದ ರಾಮ,ವಿಷ್ಣು,ಕಿಂದರಜೋಗಿ ಮುಂತಾದವು..ಎಲ್ಲ ಪಾತ್ರಗಳನ್ನು ನಾವು ಕಣ್ಣಾರೆ ಕಂಡೆವು ಈ ಪಾತ್ರಗಳಿಗೆ ಕಿಂಚ್ಚಿತ್ತೂ ಕುತ್ತು ಬರದಹಾಗೆ ಆಯಾ ಪಾತ್ರಕ್ಕೆ ಕಳೆತುಂಬಿದ್ದರು.ಇನ್ನು ದೀಪಶ್ರೀರವರು ಪುಣ್ಯಕೋಟಿ ಪಾತ್ರದಲ್ಲಿ ತಾವೇ ಆ ಪುಣ್ಯಕೋಟಿಯೇನೋ ಎಂಬಂತೆ ಆ ಪಾತ್ರದಲ್ಲೇ ಐಕ್ಯರಾಗಿಬಿಟ್ಟಿದ್ದರು...ಅವರು ತಬ್ಬಲಿಕರುವಿನ ತಬ್ಬಿ ಮುದ್ದಾಡಿ ಇತರ ಹಸುಗಳಿಗೆ ಕಂದಮ್ಮನನ್ನು ನೀಡುವಾಗಿನ ದೃಶ್ಯ ಇಂದಿಗೂ ಕಣ್ಣುಕಟ್ಟಿದಂತಿದೆ...ಎಷ್ಟೋ ಮಂದಿ ಪ್ರೇಕ್ಷಕರು ತಾಯಿ ಮಗು ಅಗಲಿಕೆಗಾಗಿ ನೊಂದು ಕಣ್ಣೀರ ಸುರಿಸಿದ್ದು ಉಂಟು ಅಷ್ಟು ಮನೋಘ್ನ ಅಭಿನಯ ದೀಪಶ್ರೀರವರದು.ಇವರಿಬ್ಬರಷ್ಟೆ ಅಲ್ಲ ಅವರೊಂದಿಗೆ ಪಾತ್ರ ನಿರ್ವಹಿಸಿದ್ದ ಕಿಂದರಿಜೋಗಿಯ ಗೌಡ ಹಾಗೂ ಅಲೆಗ್ಸಾಂಡರ್ ಪಾತ್ರದಾರಿ, ಲಕ್ಷ್ಮಣ,ಜಟಾಯು,ಹುಲಿ, ಕೃಷ್ಣ, ಹಲವು ನೃತ್ಯ ಕಲಾವಿದರೂ ಎಲ್ಲರೂ ಅದೇನು ಅಭಿನಯ ಒಬ್ಬೂಬ್ಬ ಕಲಾವಿದರೂ ೩,೪ ಪಾತ್ರಧಾರಿಗಳಾಗಿ ತಮ್ಮ ತಮ್ಮ ಪಾತ್ರಕ್ಕೆ ಜೀವಕಳೆ ತುಂಬಿದರು.

ಹರೀಶ್, ದೀಪ ಹಾಗೂ ಎಲ್ಲಾ ಪಾತ್ರ ವೃಂದದವರಿಗೆ ನಮ್ಮ ನಮನಗಳು

ಕುವೆಂಪು – ಕುಪ್ಪಳ್ಳಿಯ ಗರಿ, ಕರ್ನಾಟಕದ ಸಿರಿ ಕನ್ನಡದ ಕಂಪು

2009-11-10T15:14:00.004+03:00

ಎಲ್ಲಾದರೂ ಇರು ಎಂತಾದರೂ ಇರು ಎಂದೆಂದಿಗೂ ನೀ ಕನ್ನಡವಾಗಿರು!!!! ಈ ಹಾಡು ಎಷ್ಟು ಜನರಿಗೆ ಗೊತ್ತಿಲ್ಲ ಹೇಳಿ? ಅದರಲ್ಲೂ ನಾವು ದೇಶ ಬಿಟ್ಟು ದೂರ ಇರುವವರು ಈ ಸಾಲುಗಳನ್ನು ಅರ್ಥೈಸಿಕೊಳ್ಳಲೇ ಬೇಕು ಅಲ್ಲವೆ!!! ಇತ್ತೀಚೆಗಷ್ಟೆ ಆ ಸಾಲುಗಳ ರುವಾರಿ ಮಹಾನ್ ಚೇತನ ನನ್ನ ನೆಚ್ಚಿನ ಕವಿಗಳಲ್ಲೊಬ್ಬರಾದ ಕುಪ್ಪಳಿ ವೆಂಕಟಪ್ಪ ಪುಟ್ಟಪ್ಪನವರ (ಕುವೆಂಪು) ಬಗ್ಗೆ ಹೆಚ್ಚು ತಿಳಿಯಲು ಡಾ. ಕೆ. ಸಿ ಶಿವಾರೆಡ್ಡಿರವರ ಯುಗದಕವಿ ಪುಸ್ತಕವನ್ನು ಓದುವಾಗ ಕುವೆಂಪುರವರಿಗೆ ಕನ್ನಡದತ್ತ ಒಲವು ಮೂಡಿದ್ದು ಹೇಗೆಂದು ತಿಳಿಯಿತು, ಹಾಗಂತ ಅವರು ಕನ್ನಡದ ಒಲವಿಲ್ಲವೆಂದಲ್ಲ ಕನ್ನಡವನ್ನೇ ಆರಾಧ್ಯದೈವನ್ನಾಗಿ ರೂಢಿಸಿಕೊಂಡ ಬಗೆ ಹೀಗಿದೆ ನೋಡಿ...

ಕುವೆಂಪುರವರು ತಮ್ಮ ಸಾಹಿತ್ಯಕೃಷಿಯನ್ನು ಮೊಟ್ಟಮೊದಲು ಮಾತೃಭಾಷೆಯಲ್ಲಿ ಹೆಚ್ಚು ಪ್ರಾರಂಭಿಸಿರಲಿಲ್ಲ, ಪರಭಾಷೆಯಾದ ಇಂಗ್ಲೀಷ್ ಭಾಷೆಯಲ್ಲಿ. ಅವರ ಒಲವು ಹೆಚ್ಚು ಇಂಗ್ಲೀಷ್ ಭಾಷೆಯತ್ತಲೇ ಇತ್ತು ಇಂತಹ ಸ್ಥಿತಿಯಲ್ಲಿ ಬದಲಾವಣೆಯ ಮನಸ್ಸು ಮೂಡಿಸಿದ ಒಂದು ಘಟನೆ ಕುವೆಂಪುರವರ ಜೀವನದಲ್ಲಿ ನೆಡೆದಿತ್ತು..

ಪುಟ್ಟಪ್ಪನವರು ಮೈಸೂರಿನ ತಮ್ಮ ವಿದ್ಯಾಭ್ಯಾಸ ಸಮಯದಲ್ಲಿ ಹಲವು ಇಂಗ್ಲೀಷ್ ಕವಿಗಳನ್ನು ಅನುಕರಿಸಿ ಬರೆದ ಕವನಗಳನ್ನು ತಮ್ಮ ಶಾಲಾವಾರ್ಷಿಕೋತ್ಸವ ಹಾಗೂ ಹಲವಾರು ಸಮಾರಂಭಗಳಲ್ಲಿ ಓದಿಹೇಳಿ ಗುರುಗಳು, ಸ್ನೇಹಿತರು, ಎಲ್ಲರಿಂದ ಬೇಷ್ ಎನಿಸಿಕೊಳ್ಳುತ್ತಿದ್ದರು, ಇಂತಹ ಪ್ರೋತ್ಸಾಹಕ್ಕೆ ಮಾರುಹೋದ ಪುಟ್ಟಪ್ಪನವರು ಇಂಗ್ಲೀಷ್ ಕವನಗಳ ರಚನೆಯನ್ನೇ ಮುಂದುವರಿಸಿದರು. ತಾವು ಎಸ್.ಎಸ್.ಎಲ್.ಸಿ ಓದುತ್ತಿರುವಾಗ (೧೯೨೨) "ಬಿಗಿನರ್ಸ್ ಮ್ಯೂಸ್" ಎಂಬ ಕವನ ಸಂಕಲವನ್ನು ಪ್ರಕಟಿಸಿದ್ದರು. ತಮ್ಮ ಬರವಣಿಗೆಯಿಂದ ಫಲಿಸಿದ ಪ್ರೋತ್ಸಾಹದ ಕಾರಣ ಹೆಚ್ಚು ಇಂಗ್ಲೀಷ್ ಕವನಗಳನ್ನು ರಚಿಸುವತ್ತ ವಾಲಿದರು. ಇದೇ ಸಂದರ್ಭದಲ್ಲಿ ಮೈಸೂರಿಗೆ ಆಗಮಿಸಿದ್ದ ಪ್ರಸಿದ್ಧ ಐರಿಷ್ ಕವಿ ಜೇಮ್ಸ್ ಎಚ್. ಕಸಿನ್ಸ್ ಅವರನ್ನು ಭೇಟಿ ಮಾಡಿ ತಾವು ಬರೆದಿದ್ದ ಕವನಗಳನ್ನು ಅವರಿಗೆ ತೋರಿಸಿದರು, ಕಸಿನ್ಸ್ ರವರು ಪುಟ್ಟಪ್ಪನವರು ಕೊಟ್ಟ ಹಾಳೆಗಳನ್ನು ತಿರುವಿಸಿ ನೋಡಿ ಖಾದಿ ತೊಟ್ಟು ನಿಂತಿದ್ದ ಪುಟ್ಟಪ್ಪನವರತ್ತ ಒಮ್ಮೆ ನೋಡಿದರು.

ಅಸಮಾಧಾನದ ಧ್ವನಿಯಲ್ಲೇ "ಏನಿದೆಲ್ಲ ಕಗ್ಗ ?" (What is all this stuff?)"

"ನಿಮ್ಮ ಮೈಮೇಲೆ ನೋಡಿದರೆ ತಲೆಯಿಂದ ಕಾಲಿನವರೆಗೂ ಸ್ವದೇಶೀ ವಸ್ತುಗಳೇ ಕಾಣುತ್ತಿವೆ !. ಇದು ಮಾತ್ರ ಸ್ವದೇಶಿಯಲ್ಲ !!. ನಿಮ್ಮ ಭಾಷೆಯಲ್ಲಿ ಏನಾದರೂ ಬರೆದಿದ್ದೀರಾ?'' ಎಂದರಂತೆ.
ಅವರ ಇಂಗ್ಲಿಷ್ ಕವನಗಳನ್ನು ನೋಡಿ, ಇತರ ತನ್ನ ಭಾರತೀಯ ಮಿತ್ರರೂ ಅಧ್ಯಾಪಕರೂ ಶ್ಲಾಘಿಸಿದ್ದಂತೆ, ಅವರೂ ಅವುಗಳನ್ನು ಮೆಚ್ಚಿ ಹೊಗಳುತ್ತಾರೆ ಎಂದು ಆಸೆಪಟ್ಟಿದ್ದ ಪುಟ್ಟಪ್ಪನವರಿಗೆ ತುಂಬಾ ನಿರಾಶೆಯಾಯಿತು. ಅವರು ಕನ್ನಡದಲ್ಲಿ ಆಗಲೇ `ಅಮಲನ ಕಥೆ' ಮತ್ತು ಇತರ ಒಂದೆರಡು ಕವನ ಬರೆಯುವ ಪ್ರಯತ್ನವನ್ನೂ ಮಾಡಿದ್ದರಾದರೂ ಅವರ ಪ್ರಶ್ನೆಗೆ ಮರೆತವರಂತೆ ಇಲ್ಲ ಎಂದು ಉತ್ತರಿಸಿದರಂತೆ.

ಬಂಗಾಳಿ ಭಾಷೆಯಲ್ಲಿ ರವೀಂದ್ರನಾಥ ಠಾಗೂರರು ಬಂದರು. ಹೊಸ ಹೊಸ ರೀತಿಯಲ್ಲಿ ಬರೆದರು. ಹೊಸ ಛಂದಸ್ಸುಗಳನ್ನು ಕಂಡುಹಿಡಿದರು. ಅವರಿಗೆ ನೊಬೆಲ್ ಬಹುಮಾನವೂ ಬಂದಿತು! ಹಾಗೆಯೆ ನೀವು ಹೊಸ ಹೊಸ ಛಂದಸ್ಸುಗಳನ್ನು ಕಂಡುಹಿಡಿದು, ಹೊಸ ಹೊಸ ಪದಗಳನ್ನು ಪದಪ್ರಯೋಗಗಳನ್ನು ಸಾಧಿಸಿ, ಬಂಗಾಳಿ ಭಾಷೆಯಲ್ಲಿ ರವೀಂದ್ರನಾಥ ಠಾಗೊರರು ಸಾಹಿತ್ಯ ಲೋಕದಲ್ಲಿ ಸೃಜನತೆಯನ್ನು ಸೃಷ್ಠಿಸಿದ್ದಾರೆ. ಅವರ ಹಲವು ಕವನಗಳನ್ನು ಇಂಗ್ಲೀಷ್ ಭಾಷೆಗೆ ಭಾಷಾಂತರವೂ ಆಗಿದೆ.ನೀವು ನಿಮ್ಮ ಭಾಷೆಯಲ್ಲಿ ಸೃಜನ ಸಾಹಿತ್ಯ ಸೃಷ್ಟಿಸಬಹುದು, ಅಲ್ಲದೆ ಕವಿತೆಯಲ್ಲಿ ಉತ್ತಮ ಸೃಜನ ಸಾಹಿತ್ಯ ಯಾರಿಗೂ ಪರಭಾಷೆಯಲ್ಲಿ ಸಾಧ್ಯವಿಲ್ಲವೆಂದರಂತೆ, ಕೊನೆಗೆ ಕೆಲವು ವಿವೇಕದ ಮಾತನಾಡಿ ಹಸ್ತಪ್ರತಿಯನ್ನು ಪುಟ್ಟಪ್ಪನವರಿಗೆ ಕೊಟ್ಟರಂತೆ. ಕಸಿನ್ಸ್ ಅವರ ಹಿತವಚನದಂತೆ ತನ್ನ ಭಾಷೆಯಾದ ಕನ್ನಡದಲ್ಲಿಯೇ ಬರೆದರೆ ಉತ್ತಮ ಎಂದು ತಿಳಿದು ಹಾಗೂ ಅಂದಿನಿಂದ ಕನ್ನಡದಲ್ಲಿ ಕಾವ್ಯ ರಚಿಸುವ ಸಂಕಲ್ಪ ಪುಟ್ಟಪ್ಪನವರದಾಯಿತು. ಅವರೇ ಹೇಳಿದಂತೆ `ಇದೊಂದು ಐತಿಹಾಸಿಕ ಘಟನೆ'.

ಒಬ್ಬ ಪ್ರಖ್ಯಾತ ವ್ಯಕ್ತಿಯ ಸಾಧನೆ ಹಾಗು ಹೆಸರಿನ ಹಿಂದೆ ಯಾವುದಾದರೊಂದು ಅವಿಸ್ಮರಣೀಯ ಘಟನೆ ಇದ್ದೇ ಇರುತ್ತೆಂಬುದಕ್ಕೆ ಪುಟ್ಟಪ್ಪನವರ ಘಟನೆಯೇ ಒಂದು ಉದಾಹರಣೆ.

ಈ ಘಟನೆಯ ಪ್ರಭಾವದಿಂದಲೇ ಅವರ ಮೊದಲ ಕನ್ನಡ ಕವಿತೆ "ಪೊವು" ರಚನೆಯಾಯಿತು. ತದನಂತರ ತಮ್ಮ ಕಾವ್ಯ ಜೀವನವನ್ನು ಕನ್ನಡದಲ್ಲಿ ಆಧ್ಯಾತ್ಮತೆಯನ್ನು ಮೂಡಿಸಿದರು.

ನಂತರದ ದಿನಗಳಲ್ಲಿ "ಮೋಡಣ್ಣನ ತಮ್ಮ", `ಹಾಳೂರು', `ಬೊಮ್ಮನಹಳ್ಳಿಯ ಕಿಂದರಿ ಜೋಗಿ' ಮುಂದಾದ ಕೃತಿಗಳು ಹೊರಬಂದವು. ಇದೆ ಸಮಯಕ್ಕೆ ಸರಿಯಾಗಿ ಮೈಸೂರು ವಿಶ್ವವಿದ್ಯಾನಿಲಯದಲ್ಲಿ ತತ್ವಶಾಸ್ತ್ರ ವಿದ್ಯಾರ್ಥಿಯಾಗುವ ಬದಲು ಪುಟ್ಟಪ್ಪನವರು ಕನ್ನಡ ಎಂ. ಎ ಮಾಡಲು ಸೇರಿದರು.

ತಮ್ಮ ವಿದ್ಯಾಭ್ಯಾಸದ ಸಮಯದಲ್ಲೇ "ಜಲಗಾರ" ನಾಟಕದ ರಚನೆಯಾಯಿತು ಆನಂತರದ ದಿನಗಳಲ್ಲಿ `ಯಮನಸೋಲು', `ಬೆರಳ್ಗೆ ಕೊರಳ್', `ಸ್ಮಶಾನ ಕುರುಕ್ಷೇತ್ರಂ' ಹೀಗೆ ಹಲವು ನಾಟಕಗಳು ಹೊರಬಂದವು. ಆನಂತರದ ದಿನಗಳಲ್ಲಿ ಕನ್ನಡ ಬೆಳಗಲು `ಕಿರಿಯ ಕಾಣಿಕೆ' `ತಳಿರು' ಕವನಸಂಕಲನಗಳು ಪ್ರಕಟವಾದವು. ಇದರೊಂದಿಗೆ `ನನ್ನ ಗೋಪಾಲ', `ಸಂನ್ಯಾಸಿ ಮತ್ತು ಇತರ ಕಥೆಗಳು' ಈ ಕವನ,ಕಥೆ, ನಾಟಕ ಕೃತಿಗಳೆಲ್ಲವೂ ಒಂದಾದನಂತರ ಒಂದಂತೆ ಕನ್ನಡಿಗರ ಮನೆಮನಗಳಿಗೆ ತಲುಪಿತು ಈ ಕೃತಿಗಳು ಪ್ರಕಟವಾಗುವಷ್ಟರಲ್ಲಿ ಪುಟ್ಟಪ್ಪನವರು ಕನ್ನಡ ಎಂ. ಎ ಮುಗಿಸಿ ಮಹಾರಾಜಾ ಕಾಲೇಜಿನಲ್ಲಿ ಕನ್ನಡ ಅಧ್ಯಾಪಕರಾಗಿ ಸೇರಿಕೊಂಡರು. ತದನಂತರದ ದಿನಗಳಲ್ಲಿ ತಮ್ಮ ಜೀವನವನ್ನು ಕನ್ನಡದ ಏಳ್ಗೆಗೆ ಕನ್ನಡ ನಾಡಿನ ಜನರ ಮನದಲ್ಲಿ ಕನ್ನಡತ್ವವನ್ನು ಮೂಡಿಸಿದ "ಜೈ ಭಾರತ ಜನನಿಯ ತನುಜಾತೆ", "ಕನ್ನಡ ಎನೆ ಕುಣಿದಾಡುವುದೆನ್ನೆದೆ", ಎಲ್ಲಾದರೂ ಇರು ಎಂತಾದರೂ ಇರು, ಬಾರಿಸು ಕನ್ನಡ ಡಿಂಡಿಮವ" "ಸಾಯುತಿದೆ ನಿಮ್ಮ ನುಡಿ ಓ ಕನ್ನಡ ಕಂದರಿರಾ" ಮೊದಲಾದ ಪ್ರಸಿದ್ಧ ಕವನಗಳ ಮೂಲಕ ಕನ್ನಡಿಗರಲ್ಲಿ ನುಡಿಯೊಲವು ಮೂಡಿಸಿದ ಮಹಾನ್ ಚೇತನ ನಮ್ಮ ಪುಟ್ಟಪ್ಪನವರು. ಸತ್ತಂತಿಹರನು ಬಡಿದೆಚ್ಚರಿಸಿದ ಸಾಹಸ ಅವರದು... ಕನ್ನಡಕ್ಕಾಗಿ ಕನ್ನಡ ನುಡಿ ಬಗೆಗೆ ಭಾವವ್ಯಂಜಕ ಕವಿತೆಗಳನ್ನು ಬರೆದಿದ್ದಾರೆಂದು ಹೇಳಿದರೆ ತಪ್ಪಾಗಲಾರದು.
೧೯೫೫ ರಲ್ಲಿ ಶ್ರೀರಾಮಾಯಣ ದರ್ಶನಂ ಮಹಾಕಾವ್ಯಕ್ಕೆ (ಕನ್ನಡಕ್ಕೆ ಮೊದಲಿಗೆ) ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ದೊರೆಯಿತು. ಇದೇ ವರ್ಷ ಮಹಾರಾಜಾ ಕಾಲೇಜಿನ ಪ್ರಿನ್ಸಿಪಾಲರಾಗಿ ನೇಮಕಗೊಂಡರು. ೩೩ನೆಯ ಕನ್ನಡ ಸಾಹಿತ್ಯ ಸಮ್ಮೇಳನವನ್ನು ಮೈಸೂರು ವಿಶ್ವವಿದ್ಯಾಲಯದ ಆಶ್ರಯದಲ್ಲಿ ಈ ಕಾಲಮಾನದಲ್ಲಿ ಸಂಯೋಜಿಸಿದ ಕೀರ್ತಿ ಪುಟ್ಟಪ್ಪನವರಿಗೆ ಸೇರುತ್ತದೆ. ೧೯೫೬ ರಲ್ಲಿ ಮೈಸೂರು ವಿಶ್ವವಿದ್ಯಾಲಯ ಗೌರವ ಡಿ. ಲಿಟ್. ಪ್ರಶಸ್ತಿಯನ್ನು ಪ್ರದಾನ ಮಾಡಿತು. ಇದೇ ವರ್ಷದಲ್ಲಿ ಕರ್ನಾಟಕ ಸರಕಾರ ಪುಟ್ಟಪ್ಪನವರನ್ನು ಮೈಸೂರು ವಿಶ್ವವಿದ್ಯಾಲಯದ ಉಪಕುಲಪತಿಗಳಾಗಿ ನೇಮಿಸಿತು.
ಪುಟ್ಟಪ್ಪನವರು ಉಪಕುಲಪತಿ ಹುದ್ದೆಯನ್ನು ಸ್ವೀಕರಿಸಿದ ಸಂದರ್ಭದಲ್ಲಿ ವಿಶ್ವವಿದ್ಯಾಲಯದ ಅನೇಕಸಮಸ್ಯೆಗಳನ್ನು ನಿವಾರಿಸಿದರು ವಿಶ್ವವಿದ್ಯಾಲಯದಲ್ಲಿ ಕನ್ನಡ ಮಾಧ್ಯಮವನ್ನು ಜಾರಿಗೆ ತಂದುದು ಮತ್ತು ಸ್ನಾತಕೋತ್ತರ ಶಿಕ್ಷಣ, ಸಂಶೋಧನೆಗಳಿಗಾಗಿ ಮೈಸೂರು ವಿಶ್ವವಿದ್ಯಾಲಯದಲ್ಲಿ ಕುವೆಂಪುರವರು ಕಥೆ, ಕವನ, ಕಾವ್ಯಗಳ ರೂಪದಲ್ಲೇ ಅಲ್ಲದೆ ಕನ್ನಡದ ಉದ್ಧಾರವನ್ನು ಅಖಂಡ ಕರ್ನಾಟಕ ಸ್ಥಾಪನೆ, ಎಲ್ಲ ಹಂತಗಳಲ್ಲಿ ಜನಪರವಾದ ಕನ್ನಡದಲ್ಲಿ ಆಡಳಿತ, ಶಿಕ್ಷಣದ ಎಲ್ಲ ಹಂತಗಳು ಕನ್ನಡ ಮಾಧ್ಯಮದಲ್ಲಿ ಅಳವಡಿಸಿದರು ಹಾಗೂ ಕನ್ನಡದಲ್ಲೇ ಅಧ್ಯಯನ ಶೀಲರಿಗೆ ಉಪಯುಕ್ತವಾಗುವಂತೆ ಪಠ್ಯಪುಸ್ತಕಗಳ ರಚನೆಯತ್ತ ಮುಖಮಾಡಿದರು. ಕನ್ನಡಕಟ್ಟುವ ಕೆಲಸದಲ್ಲಿ ಕುವೆಂಪುರವರದು ಮುಖ್ಯಪಾತ್ರ. ಮೈಸೂರು ವಿಶ್ವವಿದ್ಯಾಲಯದ ಮೊದಲ ಕನ್ನಡಿಗ ಕನ್ನಡ ಪ್ರಾಧ್ಯಪಕ ಕುಲಪತಿಯಾಗಿ "ಮಾನಸ ಗಂಗೋತ್ರಿ" ಯನ್ನು ರೂಪಿಸಿ, ಬೋಧನೆ, ಸಂಶೋಧನೆ, ಪ್ರಸಾರ ಎಂಬ ಮುಮ್ಮುಖದ ಆಯಾಮ ನೀಡಿದರು. ಪ್ರಜೆಗಳಿಂದ ರೂಪುಗೊಂಡ ವಿಶ್ವವಿದ್ಯಾಲಯದಿಂದ ಶ್ರೀಸಾಮಾನ್ಯರಿಗೆ ಅನುಕೂಲಕರವಾಗುವಂತೆ ವಿವಿಧ ವಿಷಯಗಳಲ್ಲಿ ವಿದ್ವಾಂಸರ ಉಪನ್ಯಾಸಗಳನ್ನು ಏರ್ಪಡಿಸಿ ಅಭೂತಪೂರ್ವ ಗ್ರಂಥಗಳನ್ನು ಪ್ರಕಟಿಸಿದರು.

ಕನ್ನಡ ನಾಡು ನುಡಿಗಳ ಬಗ್ಗೆ ಕುವೆಂಪು ಎಷ್ಟು ಅಭಿಮಾನವಿಟ್ಟಿದ್ದರೋ ಅಷ್ಟೇ ಅಭಿಮಾನವನ್ನು ಅವರು ಇಂಗ್ಲೀಷ್ ಭಾಷೆಯನ್ನು ಅಷ್ಟೇ ಇಷ್ಟಪಡುತ್ತಿದ್ದರು. ಭಾಷೆಗಳ ಕಲಿಕೆ-ಭೋಧನೆ ಹಾಗು ಬಳಕೆಗೆ ಸಂಬಂಧಿಸಿದ ವಾಗ್ವಾದಗಳಲ್ಲಿ ಕುವೆಂಪು ಭಾಷೆ ಯಾರಿಗೆ, ಏಕೆ ಎಷ್ಟು ಎಂಬ ಪ್ರಶ್ನೆಗಳನ್ನು ವಿಚಾರಕ್ಕಿಡುತ್ತಾರೆ.ಶಾಲಾ ಹಂತದಲ್ಲಿ ಮೂರು ಭಾಷೆಗಳನ್ನು ಕಡ್ಡಾಯ ಅಥವಾ ಒಂದನೆ ತರಗತಿಯಿಂದ ಇಂಗ್ಲೀಷ್ ಕಲಿಯುವುದರಿಂದ ಪರಿಸ್ಥಿತಿ ಸುಧಾರಿಸುವುದಿಲ್ಲ, ಶಾಲಾದಿನಗಳಲ್ಲಿ ಮೂರು ಭಾಷೆಗಳನ್ನು ಹತ್ತು ಹಲವು ವರ್ಷ ಕಲಿತರೂ ನಾವು ಅವುಗಳ ಮರ್ಮವನ್ನು, ಹೃದಯವನ್ನು ಅರಿತಿಲ್ಲ ಕೇವಲ ಸಿಪ್ಪೆ ಸುಲಿಯುವುದರಲ್ಲೇ ಸುಸ್ತು ಹೊಡೆದಿದ್ದೇವೆಂದು ಹೇಳಿದ್ದಾರೆ.ಅಂತೆಯೇ ಕನ್ನಡಪರ ಹೋರಾಟ ಬರೀ ಬೀದಿಕೂಗಾಗದೇ ಕನ್ನಡತನವನ್ನು ಕಾರ್ಯಗಳಲ್ಲಿ ತೊಡಗಿಸಿದರೆ ಒಳಿತು ಎಂದು ಹೇಳುತ್ತಾರೆ.

ಕುವೆಂಪುರವರಿಗೆ ೧೯೫೭ ರಲ್ಲಿ ಧಾರವಾಡದಲ್ಲಿ ನಡೆದ ೩೯ ನೆಯ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿ ಪುಟ್ಟಪ್ಪನವರು ಆಯ್ಕೆಯಾದರು. ಸಾಹಿತ್ಯ ಹಾಗೂ ಶಿಕ್ಷಣ ಕ್ಷೇತ್ರದಲ್ಲಿ ಅವರು ಸಲ್ಲಿಸಿದ ಸೇವೆಗಾಗಿ ೧೯೫೮ ಜನವರಿ ೨೬ ರಂದು ಕೇಂದ್ರ ಸರ್ಕಾರದ ಪರವಾಗಿ ರಾಷ್ಟ್ರಪತಿಗಳು `ಪದ್ಮಭೂಷಣ' ಪ್ರಶಸ್ತಿಯನ್ನು ನೀಡಿ ಗೌರವ ಸಲ್ಲಿಸಿದರು.

೧೯೬೧ ಡಿಸೆಂಬರ್ ತಿಂಗಳಲ್ಲಿ ಮೈಸೂರಿಗೆ ಬಂದಿದ್ದ ಡಾ. ರಾಮಮನೋಹರ ಲೋಹಿಯಾ ಅವರು ಪುಟ್ಟಪ್ಪನವರನ್ನು ಭೇಟಿ ಮಾಡಿದರು. ೧೯೬೩ ರಲ್ಲಿ ಕರ್ನಾಟಕ ವಿಶ್ವವಿದ್ಯಾಲಯವು ಗೌರವ ಡಾಕ್ಟರೇಟ್ ಪದವಿಯನ್ನು ನೀಡಿ ಸನ್ಮಾನಿಸಿತು. ಕರ್ನಾಟಕ ಸರ್ಕಾರ ೧೯೬೪ ರಲ್ಲಿ ಪುಟ್ಟಪ್ಪನವರಿಗೆ `ರಾಷ್ಟ್ರಕವಿ' ಪ್ರಶಸ್ತಿಯನ್ನು ನೀಡಿ ಗೌರವಿಸಿತು.

೧೯೬೮ರಲ್ಲಿ ಭಾರತದ ಅತ್ಯುನ್ನತ ಸಾಹಿತ್ಯಕ್ಕೆ ಮೀಸಲಾದ ಜ್ಞಾನಪೀಠ ಪ್ರಶಸ್ತಿಯು ಪುಟ್ಟಪ್ಪನವರಿಗೆ ದೊರೆಯಿತು. ಕನ್ನಡಕ್ಕೆ ಮೊದಲ `ಜ್ಞಾನಪೀಠ'ವನ್ನು ತಂದುಕೊಟ್ಟ ಕೀರ್ತಿ ಅವರದು. ಹಾಗೆಯೇ ಮೊದಲ `ಪಂಪ ಪ್ರಶಸ್ತಿ'ಯನ್ನೂ (೧೯೮೮) ಹಾಗೂ ಮೊದಲ `ಕರ್ನಾಟಕ ರತ್ನ' ಪ್ರಶಸ್ತಿಯನ್ನೂ (೧೯೯೨) ಕರ್ನಾಟಕ ಸರ್ಕಾರ ಸಲ್ಲಿಸಿತು. ಹಂಪಿ ಕನ್ನಡ ವಿಶ್ವವಿದ್ಯಾಲಯವು ೧೯೯೫ ರಲ್ಲಿ ಪುಟ್ಟಪ್ಪನವರಿಗೆ `ನಾಡೋಜ' ಪ್ರಶಸ್ತಿಯನ್ನು ಪ್ರಕಟಿಸಿತು. ಆದರೆ ಅದನ್ನು ಪ್ರದಾನ ಮಾಡುವವರೆಗೆ ಅವರು ಉಳಿಯಲಿಲ್ಲ. ಅನಂತರ ಅದನ್ನು ಮರಣೋತ್ತರವಾಗಿ 'ನಾಡೋಜ' ಪ್ರಶಸ್ತಿಯನ್ನು ನೀಡುವ ಮೂಲಕ ಕವಿಸ್ಮರಣೆ ಮಾಡಿ ಗೌರವ ಸೂಚಿಸಲಾಯಿತು. ೧೯೯೪ ನವೆಂಬರ್ ತಿಂಗಳ ೧೦ ರಂದು ರಾತ್ರಿ ೧ ಗಂಟೆಗೆ ಕುವೆಂಪು ಅವರು ನಿಧನರಾದರು. ಅಂದರೆ ೧೯೯೪ ನವೆಂಬರ್ ೧೧ ರ ರಾತ್ರಿ ಬೆಳಗಿನ ಜಾವ ಈ ಶತಮಾನದ ಕವಿಚೇತನಕ್ಕೆ ಕನ್ನಡ ಜನತೆ ಗೌರವ ಶ್ರದ್ಧಾಂಜಲಿಯನ್ನು ಸಲ್ಲಿಸಿತು.
ಐರಿಶ್ ಕವಿ ಜೇಮ್ಸ್ ಕಸಿನ್ಸ್ ಮುಖಾಂತರ ಕನ್ನಡ ದೀಕ್ಷೆ ತೊಟ್ಟ, ಕಂಕಣ ಕಟ್ಟಿದ ಕವಿ ಕುವೆಂಪು ಅವರ ಅಭಿಮಾನದ ಹಾದಿ ಅನಿಕೇತನವೆಂದು ನಾವು ತಿಳಿದಿರಬೇಕು. ಕನ್ನಡ ನಾಡು ನುಡಿ ಇರುವವರೆಗೆ ಕುವೆಂಪುರವರ ಹೆಸರು, ನಡೆ ನುಡಿ ಆದರ್ಶ ಎಲ್ಲವೊ ರಾಜಿಸುತ್ತಲೇ ಇರುತ್ತದೆ. ಅಂಧತೆಯ ದೇಗುಲವನ್ನು ದಿಕ್ಕರಿಸಿ, ಮನೆಯನೆಂದೊ ಕಟ್ಟದಿರು ಕೊನೆಯನೆಂದೊ ಮುಟ್ಟದಿರು ಎಂದು ಭೋದಿಸಿದ ಕುವೆಂಪು ಅವರಿಗೆ ಸ್ಮಾರಕ, ಕಾಣಿಕೆ ಇತ್ಯಾದಿಗಳ ಅಗತ್ಯವಿಲ್ಲ. ಇಂತಹ ಮಹಾನ್ ಚೇತರನ್ನು ಪಡೆದ ನಾವುಗಳೇ ಧನ್ಯರು. ಈ ಮಹಾನ್ ಚೇತನರಿಗೆ ನಮ್ಮ ಹೃದಯಪೂರ್ವಕ ನಮನಗಳು.

ಮನತಣಿಸುವ ಸ್ಥಳ

2009-09-16T10:11:00.004+03:00

ಕನಕಪುರ ಹತ್ತಿರವಿರುವ ರವಿಶಂಕರ್ ಗುರುಜಿ ಆಶ್ರಮದತ್ತ ಒಂದು ನೋಟ

ಪ್ರಶಾಂತತೆಯನ್ನು ಬೀರುವ ಸುತ್ತಲ ಪರಿಸರ

ಪ್ರಾರ್ಥನಾ ಮಂದಿರ

ಊರು ಉಪಕಾರ ಅರಿಯದು;ಹೆಣ ಸಿಂಗಾರ ಅರಿಯದು:

2009-05-20T09:21:00.001+03:00

ಒಂದೊಂದು ಗಾದೆಯ ಹಿಂದೆ ಅನುಭವದ ದೃಷ್ಟಾಂತವಿರುತ್ತದೆ. ಊರು ಉಪಕಾರ ಅರಿಯದು; ಹೆಣ ಸಿಂಗಾರ ಅರಿಯದು ಎಂಬ ಗಾದೆ ಮಾತಿನಲ್ಲಿ ಅಡಗಿದ ಅರ್ಥ ಮಾರ್ಮಿಕವಾದುದು. ಊರು ಅಂದರೆ ಜನಸಮೂಹ. ಒಬ್ಬ ಅಪಾರ ಉದಾರ, ದಾನ, ಧರ್ಮ ಈ ಸ್ವಭಾವದ ವ್ಯಕ್ತಿಯು ನಿಸ್ವಾರ್ಥತೆಯಿಂದ ಪರೋಪಕಾರವನ್ನು ಮಾಡುತ್ತಿದ್ದ. ಅವನು ಒಬ್ಬಿಬ್ಬ ವ್ಯಕ್ತಿಗೆ ಸಹಾಯ ಮಾಡುತ್ತಿರಲಿಲ್ಲ, ಇಡಿ ಜನಸಮೂಹಕ್ಕೆ ಉಪಕಾರ ಮಾಡುತ್ತಿದ್ದ. ಉಪಕಾರಕ್ಕೆ ಪ್ರತಿಯಾಗಿ ಅವನೇನೂ ಫಲ ಆಗಲಿ ಸಹಾಯ ಹಸ್ತವನ್ನಾಗಲಿ ಬಯಸಿದವನಲ್ಲ. ಕೊನೆ ಕೊನೆಯಲ್ಲಿ ಎಲ್ಲರಂತೆ ಅವನೂ ಸಹ ವಯೋಮಾನದಿಂದ ಮುದುಕನಾಗಿ ಅಸಹಾಯಕ ವ್ಯಕ್ತಿಯಾಗಿ ಬಿಟ್ಟ. ಉಪಕಾರ ಮಾಡುವ ಶಕ್ತಿ, ಯುಕ್ತಿಯಾಗಲಿ ಅವನಿಗಿರಲಿಲ್ಲ ಎಲ್ಲವು ನಶಿಸಿದ ಜೀವ ಅಶಕ್ತನಾಗಿದ್ದ. ಅಸಹಾಯಕನೊ, ಅಶಕ್ತನೂ ಆಗಿರುವ ಆತ ಇನ್ನೊಬ್ಬರ ಸಹಾಯ, ನೆರವು, ಬೆಂಬಲ ಬಯಸಿದಾಗ ಯಾರು ಅವನತ್ತ ತಿರುಗಿ ನೋಡದಾದರು!! ಊರು ಅವನನ್ನು ಮರೆತಿದೆ. ಅವನ ಕಾಲದಲ್ಲಿ ಉಪಕೃತರಾದವರು ತೀರಿಕೊಂಡಿದ್ದಾರೆ. ಬದುಕಿ ಉಳಿದವರಿಗೆ ಅವನ ನೆನಪು ಮಾಸಿದೆ. ಇದು, ಸಾಮೂಹಿಕವಾಗಿ ಉಪಕಾರ ಮಾಡಿದವನಿಗೆ ಸಿಕ್ಕ ಪುರಸ್ಕಾರ ಅಥವಾ ಫಲ!

ಈ ಮೇಲಿನ ಅನುಭವಕ್ಕೆ ಉಪಮೆಯವಾಗಿ ಬಂದಿರುವ ಮಾತು ಹೆಣ ಸಿಂಗಾರವರಿಯದು ಎಂಬುದು. ನಿರ್ಜೀವ ದೇಹವನ್ನು ಎಷ್ಟೇ ಅಲಂಕರಿಸಿದರೂ ಸತ್ತ ವ್ಯಕ್ತಿಗೆ ಧನ್ಯತಾಭಾವ ಹುಟ್ಟಲಾರದು!! ಹೆಣಕ್ಕೆ ಸಿಂಗಾರ ವ್ಯರ್ಥ ಅದೇ ರೀತಿ ಊರಿಗೆ ಉಪಕರಿಸಲು ಹೊರಟರೆ ವ್ಯರ್ಥ ಪರಿಣಾಮ ಎಂಬುದು ಲೋಕಾನುಭವ. ಈ ಗಾದೆ ಮಾತಿನ ನೀತಿಯೆಂದರೆ, ಉಪಕಾರ ಮಾಡುವಾಗ ಯೋಗ್ಯರಿಗೆ ಮಾಡಬೇಕು, ಉಪಕೃತಿಯ ಪ್ರಜ್ಞೆ, ನೆನಪು, ಉಳ್ಳವರಿಗೆ ಮಾಡಬೇಕು. ಈ ಎಚ್ಚರ ಇರದಿದ್ದರೆ ಉಪಕಾರ ಬುದ್ಧಿಗೆ ಬೆಲೆಯಿಲ್ಲ ಅಥವಾ ನೆಲೆಯಿಲ್ಲ. ಕಿರಿಯರಿಗೆ ಹಿರಿಯರು ಸೂಚಾರ್ಥ್ಯದಲ್ಲಿ ನೀಡಿದ ಶಿಕ್ಷಣವೆಂದರೆ ಗಾದೆಗಳ ಪ್ರಯೋಗ.

ಇಂದಿನ ಸೋಲು ನಾಳಿನ ಗೆಲುವು

2009-05-11T10:24:00.002+03:00

ಜೀವನದ ಕಹಿ ಅನುಭವ ನಮ್ಮ, ನಡೆ, ನುಡಿ, ಬಾಳ್ವೆ ಎಲ್ಲವನು ತಿದ್ದಲು ಬಹಳ ಮಹತ್ವದ ಪಾತ್ರವಹಿಸಿದೆ. ಸಿರಿವಂತಿಕೆಯಲ್ಲೇ ಜೀವನ ಸಾಗಿಸಿದೊಡೆ ಬಡತನದ ಅರಿವು ಮೂಡುವುದೆಂತು, ಬಡತನದ ಬೇಗೆಯಲಿ ನೊಂದು ಬೆಂದವ ಸಿರಿವಂತನಾದೊಡೆ ತನ್ನ ಜೀವನದ ಏರುಪೇರಿನ ಮೆಟ್ಟಿಲುಗಳನ್ನು ಇಂಚಿಚಾಗಿ ಅರಿತಿರಬಲ್ಲ, ತನ್ನೆಲ್ಲಾ ಮಜಲುಗಳು ಸಿರಿತನಕ್ಕೆ ನಾಂದಿಯಾಗಿರುವುದೆಂದು ಬಯಸಿ ಸಿರಿತನದಲ್ಲೂ ಬಡತನದ ಸಂಪತ್ತನ್ನು ನೆನೆದು ಜೀವನದಲಿ ತಗ್ಗಿ ಬಗ್ಗಿ ನೆಡೆಯ ಬಲ್ಲ ಅಂತೆಯೇ ಸೋಲುಂಡವ ಎಂದೂ ಗೆಲುವು ಕಾಣಲಾರ, ಸೋಲೇ ತನ್ನ ಕಟ್ಟಿಟ್ಟ ಬುತ್ತಿ ಎಂದು ಮನನೋಯುವುದು ಸೂಕ್ತವಲ್ಲ ಇಂದಿನ ಸೋಲು ನಾಳೆಯ ಗೆಲುವು ಎಂಬುದು ಸೂಕ್ತವಾಗಿ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು.
ಹಿರಿಯರು ಹೇಳಿದಂತೆ ವೇದ ಸುಳ್ಳಾದರು ಗಾದೆ ಸುಳ್ಳಾಗಲಾರದು ಎಂಬ ಮಾತು ನೂರಕ್ಕೆ ನೂರು ಸತ್ಯ ಅಂತೆಯೇ ಮೇಲೆ ಹೇಳಿದ ಗಾದೆ ಮಾತು "ಇಂದಿನ ಸೋಲು ನಾಳಿನ ಗೆಲುವು" ಇದು ಎಲ್ಲರ ಜೀವನದಲು ರೂಢಿಸಿಕೊಳ್ಳಬೇಕಾದ್ದು ಹಾಗು ಅರಿವನ್ನು ಮೂಡಿಸಬೇಕಾದ್ದು ಯಾವುದೇ ಸ್ಪರ್ಧೆ ಅಥವಾ ಸವಾಲುಗಳಲ್ಲಿ ನಾವು ಗೆಲ್ಲಲೇ ಬೇಕೆಂಬುದು ಮುಖ್ಯವಲ್ಲ ಗೆಲ್ಲುವ ಆತ್ಮಬಲವೊಂದೇ ಮುಖ್ಯ. ಆತ್ಮಬಲ ಎಲ್ಲ ಬಲಗಳಿಗಿಂತ ಶಕ್ತಿಯುತವಾದದ್ದು. ವಿದ್ಯೆ, ಐಶ್ವರ್ಯ, ಅಧಿಕಾರ, ಜಾತಿ, ಜನ, ದೇಹ ಇವೆಲ್ಲ ಆತ್ಮಬಲದ ಮುಂದೆ ನಿಸ್ತೇಜ, ನಿಶ್ಚಕ್ತಗಳು. ಗೆಲುವು ಸಾಧಿಸಲು ಆತ್ಮಬಲವೊಂದೇ ದಾರಿ. ಇಂದು ಸೋತರೂ ಮುಂದೆ ನಾವು ಗೆಲ್ಲುವ ಆತ್ಮವಿಶ್ವಾಸ ಮೂಡಿಸಿಕೊಂಡಿದ್ದರೇ ಗೆಲುವಿನ ಮೆಟ್ಟಿಲು ಕೈಗೆ ಎಟುಕದೆ ಇರುವಂತಹುದೇನಲ್ಲಾ.
ಭಾರತಕ್ಕೆ ಸ್ವಾತಂತ್ರ್ಯ ಬರಲು ಎಷ್ಟೋ ಜನ ತಮ್ಮ ದೇಹವನ್ನು ತೆತ್ತಿದ್ದಾರೆ ಅಂತೆಯೇ ನಮಗೆಲ್ಲಾ ಸ್ವಾತಂತ್ರ್ಯದ ಬಾಗಿಲು ತೋರಿಸಲು ಮಹಾತ್ಮಗಾಂಧಿಯವರು ಹಲವು ಭಾರಿ ಸೋತು ಕೊನೆಗೆ ತಮ್ಮ ಆತ್ಮಬಲ, ಅಹಿಂಸಾವಾದದಿಂದ ಗೆಲುವಿನ ಮೆಟ್ಟಿಲೇರಿದರು ಹಾಗೆಯೇ ನಾವು ಯಾವುದೇ ಸ್ಪರ್ಧೆಯಲ್ಲಿ ಭಾಗವಹಿಸುವುದು ಮುಖ್ಯ ಅಂದು ಅಲ್ಲಿ ಸೋತರೆ ಸೋಲಿನಲ್ಲೂ ಒಂದು ಹಿತವೆನಿಸುವ ಹಾಗು ಮುಂದಿನ ಗೆಲುವಿಗೆ ನಾಂದಿಯಾಡುವ ಹಸಿರ ಚಿಹ್ನೆಯ ಅನುಭವ ಮೂಡುತ್ತದೆ.
ಸಾಮಾನ್ಯ ಉದಾಹರಣೆಯನ್ನು ನಿಮ್ಮೊಂದಿಗೆ ಹಂಚಿಕೊಳ್ಳುವ ಮನಸಾಗಿದೆ ನನ್ನ ಚಿರಪರಿಚಿತ ಸ್ನೇಹಿತ ಹಳ್ಳಿಯಲ್ಲಿ ಕನ್ನಡ ಮಾಧ್ಯಮದಲ್ಲಿ ಓದಿ ನಗರದಲ್ಲಿ ಅಭಿಯಂತರ(ಇಂಜಿನಿಯರ್)ನಾಗಬೇಕೆಂಬ ಬಯಕೆಯಲ್ಲಿ ವಿದ್ಯಾಭ್ಯಾಸ ಮುಂದುವರಿಸಿದ ಆದರೆ ಇಂಜಿನಿಯರ್ ಆಗುವುದು ನನ್ನ ಕೈಗೆ ಎಟುಕದ ಕನಸೆಂದು ಸೋಲುವತ್ತ ಬಂದಿದ್ದ ತನ್ನ ಪರೀಕ್ಷೆಯಲ್ಲಿ ಸೋಲು ಕಂಡಿದ್ದ ಕೂಡ, ಆ ಸೋಲು ಅವನ ಜೀವನದ ಮೊದಲ ಸೋಲು ಅದರಿಂದ ಚೇತರಿಸಿಕೊಳ್ಳಲು ಬಹಳ ಪ್ರಯತ್ನಪಟ್ಟು ಮಾನಸಿಕ ಹಿಂಸೆಯಲ್ಲಿ ಮುಳುಗಿದ್ದ ಇಂತಹ ಪರಿಸ್ಥಿತಿಯಲ್ಲಿ ಸ್ನೇಹಿತರು ಅವನ ಆತ್ಮಬಲವನ್ನು ಎಚ್ಚರಿಸಿದರು ಅಂತೆಯೇ ಅವನು ತನ್ನ ಸೋಲೂಂದು ಗೆಲುವಿನ ಪಾಠವೆಂದು ತಿಳಿದು ಸಾಧಿಸಿ ತೋರಿಸಿಯೇ ಬಿಟ್ಟ ಈಗ ಅವನು ಒಂದು ಅತ್ಯುನ್ನತ ಸ್ಥಾನದಲ್ಲಿದ್ದಾನೆ. ಹಲವಾರು ಜನ ಅವನ ಮಾರ್ಗದರ್ಶನದಿ ಸಾಗುತ್ತಿದ್ದಾರೆ. ಅಂದು ಅವನು ನಾ ಸೋತೆನೆಂದು ಕುಳಿತಿದ್ದರೇ ಇಂದು ಯಾರು ಅವನ ಮಾರ್ಗದರ್ಶನಕೆ ಬರುತ್ತಿರಲಿಲ್ಲ. ಹಿರಿಯರ ಮಾತಿನಂತೆ ಗಾದೆ ಸುಳ್ಳಾಗಲಿಲ್ಲ ಈ ಉದಾಹರಣೆಯಲ್ಲಿ.
ಅಂದು ತಾನು ಕನ್ನಡ ಮಾದ್ಯಮದಲ್ಲಿ ಓದಿದ್ದೇನೆ ನನಗೆ ಆಂಗ್ಲಭಾಷೆ ಭರಿಸುವುದು ಕಷ್ಟಕರವೆಂದು ಕೈಚೆಲ್ಲಿದ್ದರೆ ಆತ ಪ್ರಭುದ್ದಮಾನಕ್ಕೆ ಏರುವಂತಾಗುತ್ತಿರಲಿಲ್ಲ.
ಈ ಗಾದೆಯ ಮಾತಿನ ನೀತಿಯೇನೆಂದರೆ ಸೋಲುಂಡರು ಎದೆಗುಂದದೆ ಮುಂದೆ ಸಾಗಬೇಕು ಗೆಲುವು ಸ್ವೀಕರಿಸಿದ ಹಾಗೆ ಸೋಲನ್ನು ಸ್ವೀಕರಿಸಿ ಅನುಭವ ಪಡೆದುಕೊಳ್ಳಬೇಕು, ಮುಂದೂಂದು ದಿನ ಅತಿ ಹೆಗ್ಗಳಿಕೆಯ ಪ್ರೀತಿಪೂರ್ವಕದ ಗೆಲುವು ನಿಮ್ಮದಾಗಬಹುದೆಂದು. ಸೋತುಗೆದ್ದವನ ಕೀರ್ತಿ ಚಿರಕಾಲ.
(ಕುವೈಟ್ ಕನ್ನಡ ಕೊಟದ ಮರಳುಮಲ್ಲಿಗೆಯ ಸಂಚಿಕೆಯಲ್ಲಿ ಬಿತ್ತರವಾದ ಲೇಖನ)

2009-04-08T09:41:00.001+03:00

ಪೂರ್ಣ ಚಂದ್ರ ತೇಜಸ್ವಿಯವರು ಅಗಲಿ ಏಪ್ರಿಲ್ ೫ಕ್ಕೆ ೨ ವರ್ಷ ಕಳೆದವು ಆ ದಿನವನ್ನು ಮರೆಯದೆ ಅವರ ನೆನಪಿಗಾಗಿ ಚಾರಣವನ್ನು(ಕಾಲ್ನಡಿಗೆಯ ಸಾಹಸ) ಏರ್ಪಡಿಸಿದ್ದರು ಈ ಚಾರಣಕ್ಕೆ ನೂರಕ್ಕೊ ಹೆಚ್ಚು ಜನ ಭಾಗವಹಿಸಿದ್ದರಂತೆ ಇವರೆಲ್ಲರಲ್ಲಿ ನನ್ನ ಸ್ನೇಹಿತನೊ ಕೂಡ ಒಬ್ಬ ಅವನು ಕಳಿಸಿದ ಕೆಲವು ಚಿತ್ರಗಳು ನಿಮ್ಮೊಂದಿಗೆ..

ಮೂಡುಗೆರೆ ಹತ್ತಿರದ ಎತ್ತಿನ ಭುಜ ಬೆಟ್ಟ..

ಹಸಿರ ಸಿರಿಗೆ ಯಾರು ಸಾಟಿ.....

ಈ ಹಸಿರ ಕಾನನಿಗೆ ನನ್ನದೊಂದು ನಮನ ಹಚ್ಚ ಹಸಿರು..ಎಂದೆಂದು ಹೀಗೆ ಇರಲಿ...ತೇಜಸ್ವಿಯವರ ನೆನಪು ಹಸಿರ ಮೂಲಕ ಹರಡಲೆಂದು ಬಯಸುತ್ತೇನೆ.

ಕುವೈಟಿನ ಸುತ್ತಮುತ್ತ

2009-03-11T09:09:00.001+03:00

ಕುವೈತ್ ನಮ್ಮ ಕ್ಯಾಮರ ಕಣ್ಣಿಗೆ ಬಿದ್ದಿದ್ದು ಹೀಗೆ. ಮರುಭೂಮಿಯಲಿ ಸಿಮೆಂಟು ಮರಳಿನ ಕಟ್ಟಡಗಳು ಜೊತೆಗೆ ಕಡಲ ತೀರ... ಸೂರ್ಯ ಸಂಜೆಯಲಿ ಕೆಂಪಾದನು.. ಮತ್ತೆ ಮರಳಿ ಬರುವೆನೆನುತ..

ರಜೆಯ ದಿನದಿ ಕುವೈತ್ನಲ್ಲಿ ಕಾರುಗಳೆಲ್ಲ ನಿದ್ರಿಸುತಿವೆ ನೋಡಿ...

ಅತಿ ದೂರದಿ ನಗರ ನೋಟ

ಎಲ್ಲೋ ಆಗಸ ಸಮುದ್ರನ ಸೇರಿಬಿಟ್ಟಿದ್ದಾನೆ....

ಆಗಸನಿಗು ಕಡಲ ತೀರಕು ಏನೋ ನಂಟು ಅಲ್ಲವೆ? ...

ಚಿತ್ರಗಳ ಕೃಪೆ: ಯೋಗೀಶ್..

ಅಕ್ಕನ ವಚನಗಳು...

2009-03-04T12:35:00.000+03:00

ಕದಳಿಯ ಕರ್ಪೂರ ಉಡುತಡಿಯ ಶ್ರೀ ಅಕ್ಕಮಹಾದೇವಿಯ ಅಮೃತವಾಣಿ...ನಿಮ್ಮೊಂದಿಗೆ ಹಂಚಿಕೂಳ್ಳುವಾಸೆ...

೧. ದೇವಸಾನ್ನಿಧ್ಯ
ವನವೆಲ್ಲ ನೀವೆ ವನದೊಳಗಣ ತಿರುವೆಲ್ಲ ನೀವೆ
ತರುವಿನೊಳಗಾಡುವ ಖಗಮೃಗವೆಲ್ಲ ನೀವೆ
ಚೆನ್ನಮಲ್ಲಿಕಾರ್ಜುನ ಸರ್ವಭರಿತನಾಗಿ ಎನಗೆ ಮುಖದೋರು

**ಚೆನ್ನಮಲ್ಲಿಕಾರ್ಜುನನೇ ನೀನು ವಿಶ್ವಮಯನು ವನ ಹಾಗೂ ವನದೊಳಗಿನ ಸರ್ವ ಜೀವಿಗೂ ನೀನೆ ಸ್ವಾಮಿಯು, ತೃಣಕಾಷ್ಟಾದಿಗಳಲ್ಲಿಯೂ ನೀನಿರುವಿ. ನೀನು ಇಲ್ಲದಿರುವ ವಸ್ತುಗಳು ನನಗೆ ಬೇಡ ಆ ಶಿವನ ಸಾನಿಧ್ಯವೇ ಲೇಸು ಎಂದು ಅಕ್ಕನವರು ಎನೆಲ್ಲಾ ಬಯಸಿದ್ದಾರೆ**

೨. ಶಿವತತ್ವ
ಅರಿವೆನೆಂದರೆ ಅರಿಯಬಾರದು ನೋಡಾ
ಘನಕ್ಕೆ ಘನ ತಾ ನೋಡಾ
ಚೆನ್ನಮಲ್ಲಿಕರ್ಜುನ ನಿರ್ಣಯವಿಲ್ಲದೆಪೋದೆನು

**ವಿಶ್ವಮಯನಾದ ಸರ್ವೇಶ್ವರನು ಎಲ್ಲ ಶಕ್ತಿಗಳಿಗಿಂತಲೂ ಅಗಾಧ ಹಾಗು ಶಕ್ತಿಯುಳ್ಳವನು, ಅವನನ್ನು ತಿಳಿಯುವದು ಕಠಿಣ ಅವನನ್ನು ತಿಳಿದೆನೆಂದರೆ ನನ್ನ ಜೀವನ ಧನ್ಯವು**

೩. ದೇವನಿರುವು
ನೀರಕ್ಷೀರದಂತೆ ನೀನಿಪ್ಪಿಯಾಗಿ ಆವುದು ಮುಂದು
ಆವುದು ಹಿಂದು ಎಂದರಿಯೇನು ಕರ್ತೃ
ಆವುದು ಭೃತ್ಯನೆಂದರೆಯೆನು ಆವುದು ಘನ
ಆವುದು ಕಿರಿಯಂದಿರಯನು ಚನ್ನಮಲ್ಲಿಕಾರ್ಜುನ
ನಿನ್ನ ನೂಲಿದುಕೊಂಡಾಡಿದರೆ ಇದುವೆ ರುದ್ರನಾಗದೆ ಹೇಳಯ್ಯ

**ಹಾಲು ನೀರಿನಲ್ಲಿ ಬೆರೆತಂತೆ ನೀನಿರುವಿ, ನೀರು ಹಾಲು ಬೇರೆಯಾಗದೆ ನಿನ್ನನ್ನು ಗುರುತಿಸೆನು. ನಾಮಸ್ಮರಣೆಯಲ್ಲಿ ಸದಾ ಇದ್ದರೆ ಚನ್ನಮಲ್ಲಿಕಾರ್ಜುನ ಮೆಚ್ಚಿದರೆ ಸಣ್ಣ ವಸ್ತುವೂ ಘನತೆಗೇರಬಲ್ಲದು**

ಮರಳೋ ಮರಳು...

2009-02-18T10:22:00.000+03:00

ವಾಯು ದೇವನಿಗೇಕೂ ಮುನಿಸು
ಅರಬಿ ನಾಡೆಲ್ಲ ಮರಳಿನ ಮುಸುಕು

ಕಣ್ಣು ಬಿಟ್ಟರೆ ತುಂಬಿತು
ಬಾಯ್ ಬಿಟ್ಟರೆ ಮುಗಿಯಿತು

ವಾಹನಗಳಿಗೆ ಧೂಳೇ ಬಂಗಾರ
ಚಿನ್ನದ ಲೇಪನ ಅದಕೆ ಸಿಂಗಾರ

ವೈದ್ಯರಿಗೆ ಮುಗಿಬೀಳೊರು ಹೆಚ್ಚು
ಖರ್ಚು ನೋಡಿ ಬರಿಸಿದೆ ಹುಚ್ಚು

ಬೆಂಗಳೂರ ವಾಯುಮಾಲಿನ್ಯ
ಮರಳಿನ ಭುಗಿಲೆದ್ದ ಚೈತನ್ಯ
ಎಲ್ಲವೊ ಒಂದೇ ಅಲ್ಲವೇ

ಪರದೇಶ ಹೊಗಳೊ ಭಟರು
ತವರೂರ ತೆಗಳೊ ನೆಂಟರು

ಮರಳು ಮೂಡಿಸಿತೆ ಅರಿವು..
ತಿಳಿದಿರಬೇಕಲ್ಲವೇ ನನ್ನ ನಿಲುವು...

ಮರಳ ಆರ್ಭಟದ ಛಾಯೆ
ನಮಗೇನೋ ಮಾಯೆ

ಭುಗಿಲೆದ್ದ ಮರಳ ಸಿರಿ
ನೆನಪಿಸಿದೆ ನನ್ನೊರ

ಮರಳ ದೂಡಿ ಓಡಬೇಕು
ತಾಯ್ನಾಡ ಮಡಿಲ ಸೇರಬೇಕು..

ತವಕದಿ ಎನ್ನ ಹೃದಯ
ಸೇರುವಾಸೆ ತವರುಮನೆಯ..

ಹರೆಯದ ಬಾಲೆ ಹೆದರಿ ನೀರಾದದ್ದು....

2009-01-11T13:36:00.000+03:00

ನಾನೇ ಕಾಲ್ಪನಿಕ ಇನ್ನು ನಾನು ಬರೆದಿರುವುದು ಕಾಲ್ಪನಿಕ......... ಯಾರು ನಿಮ್ಮ ನೀವೇ ಹೋಲಿಸಿಕೊಳ್ಳಬೇಡಿ........

ಆಗ ತಾನೆ ಅವಳು ಎಸ್ ಎಸ್ ಎಲ್ ಸಿ ಮುಗಿಸಿ ತನ್ನ ವಿದ್ಯಾಭ್ಯಾಸವನ್ನು ಡಿಪ್ಲೊಮ ಮಾಡಲು ಪಾಲಿಟೆಕ್ನಿಕ್ ಗೆ ಸೇರುತ್ತಾಳೆ.... ಅವಳು ಎಸ್ ಎಲ್ ಎಲ್ ವರೆಗೆ ಕನ್ನಡ ಮಾಧ್ಯಮದಲ್ಲಿ ಓದಿದ ಕಾರಣ ಅವಳಿಗೆ ೧೧ ವಿಷಯಗಳಲ್ಲಿ ಪರಿಣತೆ ಪಡೆಯುವುದು ಬಹಳ ಕಷ್ಟಕರ ಆದರೊ ತನ್ನ ವಿದ್ಯೆಯಲ್ಲಿನ ಧ್ಯೆಯ ಮಾತ್ರ ಬಿಡಲಿಲ್ಲ..... ಆ ಕಾಲೇಜಿಗೆ ಸೇರಿದ ನಂತರ ಅವಳಿಗೆ ಅರಿವಾದದ್ದು ಅಲ್ಲಿ ಹುಡುಗಿಯರು ಇಲ್ಲವೆಂದು ಇವಳು ಇದ್ದ ಬ್ರಾಂಜ್ ನಲ್ಲಿ(ಎಲೆಕ್ಟ್ರಾನಿಕ್ಸ್) ಮೂದ ಮೂದಲು ಬಲು ಕಷ್ಟಪಟ್ಟೆ ಕಾಲೇಜಿಗೆ ಹೋಗುತಿದ್ದಳು ಇನ್ನು ನನಗೆ ಇಷ್ಟವಿಲ್ಲವೆಂದರೆ ಮನೆಯಲ್ಲಿ ಏನು ಹೇಳುತ್ತಾರೊ, ಏನೊ ಎಂದು ಅವಳು ತನ್ನ ಎಲ್ಲಾ ಬೇಸರ ಬದಿಗಿಟ್ಟಳು...... ೨೫ ಜನ ಗಂಡು ಹುಡುಗರು ಅವರಲ್ಲಿ ಇವಳು ಒಬ್ಬಳೇ ಹೆಣ್ಣು ಮಗಳು, ಓಹ್ ಅವಳು ಕಾಲೇಜ್ ಗೆ ಹೋದ ದಿನಗಳನ್ನು ಹೇಗೆ ಕಳೆದಳೊ ತಿಳಿಯದು... ಮೂದಲೇ ಅವಳಿಗೆ ಹುಡುಗರೊಂದಿಗೆ ಓದಿದ್ದು ನೆನಪೇ ಇಲ್ಲ ಎಲ್ಲ ಶಾಲೆಯಲ್ಲಿ ಹೆಣ್ಣುಮಕ್ಕಳೆ ಇದ್ದವರು ಇನ್ನು ಕಾಲೇಜಿನಲಿದ್ದ ಹುಡುಗರ ಬಗ್ಗೆ ಎಷ್ಟರಮಟ್ಟಿಗೆ ಅರಿಯಬಲ್ಲಳು....

ಕಾಲೇಜಿನಲ್ಲಿ ಮೊದಲ ಸಾಲಿನಲ್ಲೇ ಕುಳಿತು ಅದು ಬಾಗಿಲಿಗೆ ಬಲು ಹತ್ತಿರಕ್ಕೆ ಆಸೀನಳಾಗುತಿದ್ದಳು ಕಾರಣ ಕೊನೆಯಲ್ಲಿ ಬೇಗನೆ ಹೊರಗೆ ಹೋಗಬಹುದೆಂದು... ಅವಳಿಗೆ ತರಗತಿಯಲ್ಲಿ ಅರ್ಥವಾಗದ್ದನ್ನು ಮನಬಿಚ್ಚಿ ಕೇಳಲು ಇಂಗ್ಲೀಷ್ ಎಂಬ ಭೂತದ ಕಾಟ ಹೇಗೊ ತನಗೆ ತಿಳಿದೆಲ್ಲಾ ಸಾಹಸದಿಂದ ಓದಿನೆಡೆಗೆ ವಾಲಬೇಕಾಯಿತು.....
ಓದುವುದು ಹಾಗಿರಲಿ ಬನ್ನಿ ಈ ಪುಕ್ಕಲು ಹುಡುಗಿ ಏನೆಲ್ಲಾ ಆವಾಂತರ ಪಟ್ಟಿದ್ದಾಳೆಂದು... ಮೂದಲೇ ಹೇಳಿದ ಹಾಗೆ ಇವಳು ಒಬ್ಬಳೆ ಆ ಕ್ಲಾಸಿನಲ್ಲಿದಿದ್ದು..... ಇನ್ನು ಹುಡುಗರು ಹೆಚ್ಚು ಯಾರು ಎಷ್ಟು ಇವಳನ್ನು ಹಿಂಬಾಲಿಸುತ್ತಿದ್ದರೊ, ಹೋಗಳುತಿದ್ದರೊ, ತೆಗಳುತಿದ್ದರೊ ತಿಳಿಯದು ...... ಆದರು ಒಮ್ಮೆ ಒಬ್ಬ ಹುಡುಗ ತನ್ನ ಹಿಂಬದಿಯೇ ಕುಳಿತಿದ್ದ ಅವನು ಒಮ್ಮೆ ಇವಳನ್ನು ಯಾವುದೊ ಒಂದು ನೋಟ್ಸ್ ಬಗ್ಗೆ ಕೇಳಿ ಮರಳಿ ಕೋಡುವುದಾಗಿ ಹೇಳಿ ತೆಗೆದುಕೊಂಡು ಹೋಗಿದ್ದ ಒಂದೆರಡು ದಿನಗಳ ಬಳಿಕ ಮರಳಿ ಅವಳಿಗೆ ತಲುಪಿಸಿದ್ದ ಕೊಡ.........ಅದೇ ಮೂದಲು ಒಬ್ಬ ಹುಡುಗನಲ್ಲಿ ಮಾತಾಡಿದ್ದು ಅಲ್ಲದೆ ಅವನ ಹೆಸರು ಸುರೇಶ್ ಎಂದು ತಿಳಿದಿದ್ದು... ಮತ್ತೊಮ್ಮೆ ನೋಟ್ಸ್ ಕೇಳಿದ ಇವಳು ಕೊಡಲಿಲ್ಲ ಅಲ್ಲಿಗೆ ಮುಗಿಯಿತು ಮತ್ತೆ ಮಾತು ಕತೆ ಇಲ್ಲ ಅವರಿಬ್ಬರಲ್ಲಿ......ಅಷ್ಟೇ ಅಲ್ಲಿಗೆ ಮುಗಿಯಿತು....!!!

ಒಂದು ದಿನ ಕಾಲೇಜ್ ಮುಗಿದ ನಂತರ ಬಸ್ ಸ್ಟಾಪ್ ಗೆ ಹೋಗುತಿದ್ದಳು.. ಅವಳ ಜೊತೆಯಲ್ಲಿ ಬೇರೆ ಬ್ರಾಂಜಿನ ಹುಡುಗಿ ಕೂಡ ಜೊತೆಯಲಿದ್ದಳು.....ಹಿಂದಿನಿಂದ ಸೈಕಲ್ ಏರಿ ಬಂದ ಈ ಸುರೇಶ ಬರಬರುತ್ತ ಅವಳಲ್ಲಿಗೆ ಹೋಗಿ ಒಂದು ಪತ್ರ ತೆಗೆದು ಕೊಟ್ಟ ಆಗಲೇ ಇವಳಿಗೆ ಎಲ್ಲವು ಅಲ್ಲೇ ಆಗೋ ಪರಿಸ್ಥಿತಿ ಏನು ಇವನು ಏನೋ ಕೊಡುತಿದ್ದಾನೆ ಏನಿರಬೇಕು ಪ್ರೇಮಪತ್ರವೇ........? ಒಂದು ಹುಡುಗ ಪತ್ರ ಕೊಟ್ಟ ಎಂದರೇ ಅದೇ ಇರಬೇಕು..... ಎಂಬ ಅನುಮಾನ, ಏಕೆಂದರೆ ಚಲನಚಿತ್ರಗಳನ್ನು ನೋಡಿದ್ದ ಅವಳು ಎಲ್ಲವೊ ಊಹಿಸಿವಷ್ಟು ಸಮರ್ಥಳು ಹಾಗಂತ ಏನು ತಿಳಿಯದಿರಲೇನು ಮುಗ್ಧಳೇನಲ್ಲ......... ಅದು ಹಾಗಿರಲಿ ಇಲ್ಲಿ ಬನ್ನಿ ಮಧ್ಯರೋಡಿನಲ್ಲಿ ಅವನು ಇದ್ದಕಿದ್ದ ಹಾಗೆ ಪತ್ರ ಕೊಟ್ಟನೆಂದು ಕಣ್ಣಲ್ಲಿ ನೀರು ಭಯದ ಚಾಯೇ ಎಲ್ಲವು ಅವಳ ಮುಖದಲ್ಲಿ ಮೊಡಿತ್ತು......... ಸರಿ ಆ ಪತ್ರ ತಟ್ಟನೆ ಅವಳ ಕೈಗೆ ಕೊಟ್ಟವ... ಏಲ್ಲೊ ಮಂಗಮಾಯವಾದ....... ನಡುಗುತ್ತಲೆ ಹೋದ ಇವಳು ಅಲ್ಲೇ ನಿಂತಿದ್ದ ಜೊತೆಗಾತಿ ಕೇಳಿದಳು ಏನದು ಯಾಕೆ ಇಷ್ಟು ನಡುಗುತ್ತಿ ಎಂದಳು ಅಯ್ಯೋ ನೋಡೆ ಇದೇನೊ ಅವನು ಕೊಟ್ಟ ಎಂದ ತಕ್ಷಣ ಅವಳು ನನ್ನ ಕೈಯಿಂದ ಕಿಸಿದು ಆ ಪತ್ರ ಓದಿದಳು ಅವಳು ಹೇಳಿದಳು ನೋಡು ಇವನು ನಿನ್ನ ಪ್ರೀತಿಸ್ ತಾನಂತೆ .... ಬೇಗ ಉತ್ತರ ಹೇಳಬೇಕಂತೆ ಎಂದಳು........ಆಗಲೇ ಅವಳಲ್ಲಿ ಧಸಕೆಂದು ಜೀವ ತಣ್ಣಗಾಯಿತು... ಇನ್ನು ಈ ಪತ್ರ ಮನೆಗೆ ಹೊಯ್ದರೆ ಮನೆಯಲ್ಲಿ ಗೊತ್ತಾದರೇ ಏನು ಗತಿ ಎಂದು ಯೋಚಿಸಿ ತಕ್ಷಣ ಆ ಪತ್ರ ಹರಿದು ಬಿಸಾಕಿದಳು....... ಅಷ್ಟರಲ್ಲಿ ಆ ಸ್ನೇಹಿತೆ ಹೆದರಬೇಡ ನಾನು ನನ್ನ ಅಣ್ಣಂಗೆ ಹೇಳ್ತೀನಿ ಅಂದಳು ಅವಳ ಅಣ್ಣ ಕೂಡ ಅದೆ ಕಾಲೇಜಿನಲಿದ್ದನು... ಓಹ್ ಇನ್ನು ಅವನಿಗೇಳಿ ಇನ್ನೇನು ರಾಧ್ದಾಂತವಾಗುತ್ತೋ ತಂದೆ ಎಂದು ದೇವರಿಗೆ ಮೂರೆಹೋದಳು........ಆಹ ....... ಇಷ್ಟು ನೆಡೆಯುತ್ತಿದ್ದ ಹಾಗೆ ಬಸ್ಸ್ ಬಂದು ನಿಂತಿತು ಅದು ಬಂದ ಅರಿವು ಅವಳಗಿರಲಿಲ್ಲ ಅವಳ ಗೆಳತಿಯಿಂದ ಕರೆಬಂದಾಗಲೇ ಅವಳು ಯಾವುದೋ ಲೋಕದಿಂದ ಬಂದಂತೆ ಕಂಡಳು........ ಇನ್ನು ಬಸ್ಸ್ ಏರಿದ ನಂತರ ಮಾತಿಲ್ಲ ಕತೆಯಿಲ್ಲ.. ಮೌನದಿ ಸಾಗಿತು ಅವಳ ಸ್ಟಾಪ್ ಬರೊವರೆಗು...........

ಅವಳು ಬಸ್ ಇಳಿದು ತನ್ನ ಮನೆಕಡೆ ಹೋಗಲು ಇನ್ನೆನು ರಸ್ತೆ ದಾಟಲು ಆಕಡೆ ಈ ಕಡೆ ನೋಡುತ್ತಾಳೆ ಅಲ್ಲೇ ಪ್ರತ್ಯಕ್ಷ ಆ ಸುರೇಶ್ ಓಹ್ ಇವನೇನು ಮತ್ತೆ ಬಂದಿದಾನಲ್ಲಪ್ಪ ಎಂದು ಎದೆಯುಸಿರು ಬಿಡುತ್ತ ತನ್ನ ಮನೆ ಕಡೆಗೆ ಓಟ ಕಿತ್ತಳು.. ಮನೆ ತಲುಪಿದ್ದೇ ತಡ ಅವಳ ಆ ಭಯ ಹೃದಯ ಬಡಿತ ನಿಲ್ಲದೆ ಡವಗುಡುತಿತ್ತು........ಮನೆ ಹೊಕ್ಕುತಿದ್ದ ಹಾಗೆ ಮನೆಗೆ ಬಂದಿದ್ದ ನೆಂಟರನ್ನು ಗಮನಿಸದೆ, ಒಂದು ಮಾತು ಕೂಡ ಆಡದೆ ನೇರವಾಗಿ ತನ್ನ ರೂಮಿಗೇ ಹೋಗಿ ಬಾಗುಲು ಜಡಿದಳು.... ಒಂದೆಸಮನೇ ಅಳುತ್ತ ನಾನೇನು ಪಾಪ ಮಾಡಿದೆ ಸ್ವಾಮಿ ನನಗೆ ಏಕೆ ಈ ರೀತಿ ಕಷ್ಟ ಕೊಡುತ್ತಿ ನಾನೇ ಸಿಗಬೇಕಾ.....ಹಾಗೆ ಹೀಗೆ ದೇವರನ್ನು ಶಪಿಸುತ್ತ ಒಮ್ಮೊಮ್ಮೆ ಬೇಡುತ್ತ ಹಾಗೆ ಹಾಸಿಗೆ ಮೇಲೆ ಮೈಚಲ್ಲಿದಳು... ಇತ್ತ ಅವರಮ್ಮನಿಗೆ ಗಾಬರಿ ನಗುನಗುತ್ತ ಬರುತಿದ್ದ ಇವಳಿಗೇನಾಯಿತು..ಬಾಗಿಲು ತಟ್ಟುತ್ತ ಏಕೆ ಏನಾಯಿತು ಮನೆಯಲ್ಲಿ ಬಂದಿರುವ ನಿನ್ನ ಮಾವಂದಿರನ್ನು ಮಾತನಾಡಿಸದೆ ಏಕೆ ಹಾಗೆ ಹೋರಟು ಹೋದೆ.. ಬಾ ಬೇಗ ಎಂದರು ಅವಳು ಅಲ್ಲಿಂದನೇ ಅಮ್ಮ ನನಗೆ ತುಂಬಾ ತಲೆ ನೋವು ನಾ ಮಲಗುವೇ ಆನಂತರ ಊಟ, ಮಾತು ಎಲ್ಲ ಎಂದು ಸುಮ್ಮನಾದಳು......

ಹಾಗೆ ಯೊಚಿಸುತ್ತ ನಿದ್ರೆಗೆ ಹೋದಳು.......... ಅವಳಿಗೆ ಎಚ್ಚರವಾಗಿದ್ದು ಯಾರೋ ಬಾಗಿಲು ಬಡಿದಾಗ....... ಆನಂತರ ಎದ್ದು ಸರಸರನೇ ಬಾಗಿಲು ತೆರೆದು... ನೋಡುತ್ತಾಳೆ ಅವಳಮ್ಮ ಏಕೆ ಏನಾಯಿತು ಎಂದು ಮೈಮುಟ್ಟುನೋಡುತ್ತಾರೆ ಜ್ವರ ಬಂದಾ ಹಾಗೆ ಕಂಡು ಅಮ್ಮ ಸಾಂತ್ವಾನ ಮಾಡುತ್ತ ತಿನ್ನಲು ಹೇಳುತ್ತಾರೆ.........ಇವಳಿಗೆ ತಿನ್ನುವ ಮನಸ್ಸಿಲ್ಲದಿದ್ದರು..........ತಿನ್ನಲೇಬೇಕಾಯಿತು... ಜ್ವರಕ್ಕೆ ಮಾತ್ರೆ ತೆಗೆದುಕೊಂಡು ಮತ್ತೆ ರೊಮ್ ಸೇರಿದಳು ಮರುದಿನ ಭಾನುವಾರವಾದ್ದರಿಂದ ಕಾಲೇಜ್ ಹೋಗೋ ತೊಂದರೆ ಇರಲಿಲ್ಲ ... ಅಂದು ಅದೇ ಭಯ ಯೋಚನೆಯಲ್ಲೆ ಮುಳುಗಿದ್ದಳು ಮನೆಯವರಿಗೆಲ್ಲ ಜ್ವರ ಅದಕ್ಕೆ ಹಾಗಿದ್ದಾಳೆ ಎಂದು ಸುಮ್ಮನಾದರು ಇನ್ನು ಭಾನುವಾರ ಮಧ್ಯಾಹಃದ ಹೊತ್ತಿಗೆ ಜ್ವರ ವಿಪರೀತವಾಗಿ ಅವಳು ಏದ್ದೇಳಲು ತ್ರಾಣವಿಲ್ಲದಾದಳು........... ಇನ್ನು ಅಮ್ಮನಿಗೆ ಗಾಬರಿ ಮನೆಯಲ್ಲಿ ಯಾಕೆ ಎನಾಯಿತು ಹೀಗೆ ಇದ್ದಕ್ಕಿದ್ದ ಹಾಗೆ ಹೀಗಾಯಿತು ಎಂದರೆ ಅವಳಲ್ಲಿ ಉತ್ತರವಿರಲಿಲ್ಲಾ....... ಆಗಲು ಮಾತ್ರೆ ಕೊಟ್ಟು ಸುಮ್ಮನಾದ ಮನೆಯವರು ಸಂಜೆಯಾಗುತ್ತಲಿದ್ದಂತೆ ಹೆಚ್ಚಾದ ಜ್ವರಕ್ಕೆ ಆಸ್ಪತ್ರೆಗೆ ಹೋಗಿ ಡಾಕ್ಟರ್ ಗೆ ಮೊರೆ ಹೋಗದಿರಲಾಗಲಿಲ್ಲ...... ಸರಿ ಇನ್ನು ಅಲ್ಲಿ ಇವಳ ನೋಡಿದ ಕೂಡಲೇ ಡಾಕ್ಟರ್ ಪ್ರಶ್ನೆ ಏನಮ್ಮ ಎಲ್ಲಾದರು ಹೆದರಿದ್ದ ಏನಾಯಿತೆಂದು ಕೇಳಲಾರಂಬಿಸಿದರು...... ಇವಳಿಗೆ ತಿಳಿದೆನೋ? ವೈದ್ಯರಲ್ಲಿ ಸುಳ್ಳು ಹೇಳಬಾರದೆಂದು ಆದರು..... ಇಲ್ಲ ಆ ತರ ಏನು ಇಲ್ಲ ಅಂತ ಸುಳ್ಳೇ ಹೇಳಿದ್ದಳು......... ಅವರ ತಪಾಸಣೆ ನಂತರ ಹೇಳಿದರು ಇಂದು ಇವಳು ಇಲ್ಲೆ ಉಳಿಯಲಿ ಡ್ರಿಪ್ಸ್ ಹಾಕಬೇಕು ಎಂದು ಆಗಾಗಲೇ ಅವಳು ತುಂಬ ಸೊರಗಿದ್ದಳೊ ಕೊಡ......ಇನ್ನು ಇವಳಿಗೆ ಖುಷಿ ಸ್ವಲ್ಪ ದಿನ ಆದರು ಅವನಿಗೆ ಉತ್ತರ ಹೇಳೊದರಿಂದ ತಪ್ಪಿಸಿಕೊಂಡೆ ಎಂದು.......ಆಹಾ....ಆಹಾ.... ೩,೪ ದಿನ ಆಸ್ಪತ್ರೆಯಲ್ಲೇ ಉಳಿಯೋ ಹಾಗೆ ಆಯ್ತು.....ಇನು ೪ನೆ ದಿನ ಮನೆಗೆ ಬಂದಾಗ ಎಲ್ಲರಿಂದ ಸಾಂತ್ವಾನ ಆರೈಕೆ ಎಲ್ಲವೊ ಎಷ್ಟೆ ಆದರು ಅವಳು ಮನೆಮಂದಿಗೆಲ್ಲ ಪ್ರೀತಿಪಾತ್ರಳು...

ಮರುದಿನ ಅಮ್ಮ ಕಾಲೇಜ್ ಗೆ ಹೋಗುವುದುಬೇಡ ಮುಂದಿನ ವಾರದಿಂದ ಹೋಗು ಎಂದರು ಇವಳಿಗು ಅದೆ ಬೇಕಾದದ್ದು.........ಕೊನೆ ಒಂದಲ್ಲ ಒಂದು ದಿನ ಕಾಲೇಜ್ ಗೆ ಹೋಗಲೆ ಬೇಕಲ್ಲವೇ..? ಅಂದು ಬೆಳ್ಳಿಗ್ಗೆ ಅಮ್ಮ ಹೊರಡು ಅಂದರು ಇವಳಿಗೆ ಭಯ ಅಮ್ಮ ನಾನು ಹೋಗಲ್ಲ ಎಂದು ಒಂದೇ ಹಠ.. ಯಾಕೆಂದರೆ ಅಲ್ಲಿ ಜಾಸ್ತಿ ಹುಡುಗರಮ್ಮ ನನ್ನಗೆ ಭಯ ಆಗುತ್ತೆ ಅಂದೆ ನಿಮ್ಮ ಅಣ್ಣ ಬಿಡ್ತಾನೆ ಹೋಗು ...... ಹುಡುಗರು ಇದ್ರೆ ಏನು ಮಾಡ್ತಾರೆ ನಿನ್ನ ತಿಂತಾರ ನಿನ್ನ ಪಾಡಿಗೆ ನೀನಿರು ಅಂತ ಗದರಿದರು... ಆಗಲೇ ಅಳು ಪ್ರಾರಂಭ ಆಯ್ತು..... ಮತ್ತೆ ಸಮಾದಾನ ಮಾಡುತ್ತ ಅವಳ ಅಣ್ಣನ್ನ ಮತ್ತೆ ಅಪ್ಪನ ಜೊತೆ ಮಾಡಿ ಕಾಲೇಜಿಗೆ ಸಾಗಾಕಿದರು ಅಂದು ಅವಳು ಹೆದರುತ್ತಲೇ ಹೋದಳು... ಇನ್ನು ಕಾಲೇಜ್ ಆವಾರಣ ಅವಳಲ್ಲಿ ಇನ್ನು ಭಯ ಮೊಡಿಸಿತ್ತು ನೇರವಾಗಿ ಪ್ರಿನ್ಸಿಪಾಲರಲ್ಲಿಗೆ ಹೋಗುತಿದ್ದ ಹಾಗೆ ಅವ್ರು ಅವಳ ತಂದೆಯೊಂದಿಗೆ ಮಾತನಾಡಿ ಏನು ಯೊಚಿಸಬೇಡಿ ಎಲ್ಲವು ಸರಿಹೋಗುತ್ತೆ ಅವಳಿಗೆ ಹೊಸದಲ್ಲವಾ ಹಾಗೆ ಹೆದರಿಬೇಕು ಎಂದರು........ ಅವಳನ್ನೇನೋ ಬಿಟ್ಟು ಹೊರಟರು ಅಷ್ಟರಲ್ಲಿ ಅಲ್ಲಿಯೇ ಇದ್ದ ಕಾಲೇಜ್ ಗುಮಾಸ್ತ ಪ್ರಿನ್ಸಿಪಾಲರಿಗೆ ಇವಳ ಹಗರಣ ಹೇಳಿಬಿಟ್ಟ ನಂತರ ಮತ್ತೆ ಅವಳನ್ನ ಕರೆಸಿ ಓಹ್ ಹೀಗ ವಿಷಯ ಹೆದರಬೇಡ ಎಂದು ಹೇಳಿ ಅವಳಿಗೆ ಸಮಾಧಾನ ಮಾಡಿ ಕಳಿಸಿದರು, ನಂತರ ಆ ಹುಡುಗನನ್ನು ಕರೆಸಿ ಬುದ್ದಿಮಾತು ಹೇಳಿಕಳಿಸಿದ್ದರು............ಅದೇ ಕೊನೆ ಆ ಹುಡುಗಿಯೂಂದಿಗೆ ಮಾತಿಲ್ಲ ಕತೆ ಇಲ್ಲ ಜೊತೆಗೆ ಅವನು ಕೊಟ್ಟ ಪತ್ರಕ್ಕೆ ಉತ್ತರವೊ ಕೇಳಿಲ್ಲ.........

ಅಲ್ಲಿಂದ ಆಚೆಗೆ ಆ ಹುಡುಗಿ ಕಾಲೇಜಿಗೆ ಬಂದರೆ ಸಾಕು ಅಲ್ಲಿಯೆ ನೆರೆದಿದ್ದ ಹುಡುಗರು ಸುರೇಶ್ ಬಂದ , ಸುರೇಶ ಏನೋ ಸಮಾಚಾರ, ಸುರೇಶ್ ಭಯ ಆಗಿ ಕಾಲೇಜಿಗೆ ಬರಲೇ ಇಲ್ಲವಲ್ಲೊ ಅನ್ನಲು ಪ್ರಾರಂಭಿಸಿದರು......ಇದು ತಡೆಯಲಾಗದ ಅವಳು ಅವಳ ಎಲೆಕ್ಟ್ರಾನಿಕ್ಸ್ ಬ್ರಾಚ್ ಬಿಟ್ಟು ಕಂಪ್ಯೊಟರ್ ಬ್ರಾಚ್ ಗೆ ಹೋದಳು ಏಕೆಂದರೆ ಅಲ್ಲಿ ಸ್ವಲ್ಪ ಹುಡುಗಿಯರಿದ್ದರು.... ಏನು ತೊಂದರೆ ಇರುವುದಿಲ್ಲವೆಂದು.......

ಅದು ಹುಚುಕೋಡಿ ಮನಸು ಅದು ಅದಿನಾರರ ವಯಸು.......... ತನ್ನ ಭಯಕ್ಕೆ ಏನೆಲ್ಲಾ ಸಮಜಾಯಿಶಿ ಕೊಟ್ಟು ... ಹೆದರಿ ನೀರಾಗಿದ್ದಳು... ನೀರೆ..........